I Samuuele 9:3 - O Mikanda Ikola

³ Tatʼâ Kiji anga u kala ni jibûlu ja mu jimbila. Kiji anga u ambela monʼê Saúlo, uixi: Katula muthu ku akua mbèle, uie-nê, mu kulumuke, mu-ie mu sota o jibûlu.

I Samuuele 9:3 ပူးပေါင်းရင်းမြစ်များ

Afundixi 10:4

U kala ni anʼê a mala, makuinhi atatu a muthu, a kala mu mondala makuinhi atatu a bulu, anga a kala ue ni jisanzala jâ, makuinhʼatatu a sanzala, a jʼixana Jisanzala ja Jaile katé mu kizúua kia lelu, u ji sanga mʼoxi ia Ngiliiade.

Afundixi 5:10

Enu mua sambela ku jibûlu jizela, enu mua xikama ku jixalemanda ja iuka kinéne, enu mua-lu bhita mu jinjila, ambenu-kiu.

I Samuuele 10:14

Sekulu a Saúlo anga u mu ibhula, ni mukua-mbele iê, uixi: Muele kuebhi? Muene uixi: Mu sota jibûlu; o ki tua lémbua ku ji mona, tua bhixila kua Samuuele.

I Samuuele 10:2

Ki ua-nda ku ngi xia bhabha lelu, ua ka takana ni malʼaiadi bhu mbila ia Lakele, bhu mbámbe ia Bejamí bhu Zeliza; ene a kà ku ambela, kuma: Jibûlu ji uele mu sota, a ji bongo kiá; tatʼenu ua zumbuka kiá muẋima uê kukatela jibûlu, uala kiá ni hele ié eie, uixi:

I Samuuele 9:2

Muenhú anga u kala ni monʼê ua diiala, dijina diê Saúlo, munzangala ua uabha iu uadisanze kiambote; muʼaxaxi ka anʼa Izalaiele kanamu muthu ua mu tundu mu kuuabha ni kudisanza, o mu kitala mundu uoso a mu suku ngó bhu isuxi.

I Samuuele 9:20

O jibûlu-phe jedi lelu tatu tunde ki ja jimbila, ku ji te dingi muxima; kuma a ji bongo kiá. O ima ioso ia beta kuuabha mu Izalaiele-phe ia tokala kua nanhi? Oko eie muene, ni dibhata dioso dia tatʼenu.

I Samuuele 9:4

Anga u bhita mu milundu mu ixi ia Ifalaime, u bhita mʼoxi ia Saliza, maji ka ji mono; anga a bhita dingi mʼoxi ia Salime, maji ue ki ja moneka-mu; anga u bhita dingi mʼoxi ia Bejamí, maji a ji tokoka.