I Samuuele 9:25 - O Mikanda Ikola

²⁵ Kia zubha kutunda ku thala kuenhoko, eza dingi bhu bhata, anga Samuuele u di kunda ni Saúlu bhu thandu diaʼnzo bhua xikama.

I Samuuele 9:25 ပူးပေါင်းရင်းမြစ်များ

II Samuuele 11:2

Kizuua kia mukuá, kutula ku kiemba, Davidi u balumuka bhu hama iê, anga u kala mu kuimajana ku thandu dia inzo iê ia mbanza; o ku thandu diaʼnzo kuala, u mona muhatu uala ku dʼiẋika; o muhatu ku mu tala mesu ua uabha kiavulu.

Nehemiia 8:16

Kifuxi kioso-phe, hé a tunda, anga a bheka o jithangu joso, anga a tunga jifundu jâ, amoxi ku thandu dia jinzo jâ, ni ku dima dia jinzo jâ, ni mu malumbu ma inzo ia Nzambi, ni bhu kitanda kia muelu ua Menha, ni bhu kitanda kia Muelu ua Efalaime.

Jelemiia 19:13

Jinzu ja Jeluzaleme, ni jinzu ja jisobha mu Juda, ja-nda kukasana, kala o kididi kia Tofete: kiene kimoxi ue ni jinzu josololo, jedi o ku hongo iâ kuene kuohela o uasu ua dizumba phala ilombo ioso ia maúlu, ia a bhela-bhu mibhaku ia kúnua ku jinzambi jengi.

Matesu 10:27

Ioso i nga mi tangela muʼ avundu, enu tangenu-iu mu muanha uatu; ioso i muʼ evidila ni ku mi fetela mu dítui, dikolienu-iu ku thanduʼ a jinzu.

Matesu 24:17

Uoso uala ku thandu dia ʼnzo iê a lengele kuengi ni lusolo, ka tuluke hanji mu katula o imbamba iê mʼonzo.

Luka 5:19

O kia lémbua kumona bhuoso bhua bokuena, mukonda dia athu kuvula, a banda ku thandu dia ʼnzo, a zambumuna mateia, anga a mu tulula ni hama iê mu ʼaxaxe ka athu, hé a mu tula bhu pholo ia Jezú.

Jipoxolo 10:9

Kukia ni kimene-phe, kioso ki ala mu njila, a zukama kiá mu mbonge ia Jopa, Phetele u banda ku thandu dia ʼnzo mu kusamba mu ola ia mediia.

Matendelelu 22:8

Kioso ki u tunga onzo iobhe, o bhu hongo kondoluesa-bhu kifikidilu bhu ditala dioso di u iudika-bhu, phala ki mu langumuke muthu bhu hongo ié, anga eie uiza mu mulonga ua manhinga, exi, uajibha.

I Samuuele 9:26

Ki kúkia mu kimenemene, Samuuele anga u di meneka u ixana Saúlo ku thandu dia ʼnzo, uixi: Balumuka, ngi ku xinjikile. Saúlo ua balumuka, anga kiiadi kiâ a tunda.