I Samuuele 9:2 - O Mikanda Ikola

² Muenhú anga u kala ni monʼê ua diiala, dijina diê Saúlo, munzangala ua uabha iu uadisanze kiambote; muʼaxaxi ka anʼa Izalaiele kanamu muthu ua mu tundu mu kuuabha ni kudisanza, o mu kitala mundu uoso a mu suku ngó bhu isuxi.

I Samuuele 9:2 ပူးပေါင်းရင်းမြစ်များ

Dimatekenu 6:2

Bhenhobho anʼa Nzambi a mala, a mona anʼa athu a ahatu, kuma auabha; anga a sakana ahatu oso a a uabhela-bhu.

I Malunda 8:33

O Nele ua vuala Kixi, o Kixi ua vuala Saúlo; o Saúlo uavuala Jonata, ni Malekisuua, ni Abinadabe, ni Eze-Bahale.

Jelemiia 9:23

Jihova uambe kiki: njimu ka di thathe mu unjimu uê, mba dizonda u di thatha mu uzonda uê; mvuama ka di thathe mu unvuama uê.

Dialuilu 13:33

Tua mono-ko ni iiala, anʼa Anake, a tokala muiji ua Nefalimi; etu-phe bhu mbandu iâ tua di mono tu mahoho, ni ene uâ kiene kia tu mono.

I Samuuele 10:21

Anga u zukamesa muiji ua Bejamí mu jifamília jê, anga a kuata-bhu Saúlo monʼa Kiji; o kia mu soto-phe, ka moneka.

I Samuuele 16:7

Jihova-phe u ambela Samuuele, uixi: Kana kutala o pholo iê, mba o kitala kiê kialebha, mukonda eme nga mu ditunu. Kuma Jihova kene kutala kala ki tala o muthu; mbata o muthu u tala kidifua kia kanga, Jihova-phe u tala ku muẋma.

I Samuuele 17:4

Bhu kibangu kia akua Fidíxia anga bhu tunda dizonda, dijina diê Ngoliia mukua Ngate; muenhú o kitala kiê kóvado jisamanu ni phalumu imoxi.

I Samuuele 9:3

Tatʼâ Kiji anga u kala ni jibûlu ja mu jimbila. Kiji anga u ambela monʼê Saúlo, uixi: Katula muthu ku akua mbèle, uie-nê, mu kulumuke, mu-ie mu sota o jibûlu.