I Samuuele 9:17 - O Mikanda Ikola

¹⁷ Samuuele-phe kioso kia mono Saúlo, Jihova ua mu ambela, uixi: Muthu iú muene nga ku tangela-nê! Muene ua tokala, ua-nda kutumina o mundu uami.

I Samuuele 9:17 ပူးပေါင်းရင်းမြစ်များ

Nehemiia 13:19

Anga ki bhita-phe kuma, o mabhitu ma Jeluzaleme kia bhana kiá o kilembeketa, kuila o sabhalu kiluua i bhixila, ngi tuma o kujika mabhitu; anga ngi tumina kuila ka ma jikule katé sabhalu ia bhiti; anga ngi ta o minzangala iami imoxi-mu bhu mielu, mbé kuila kana kimbamba kioso-kioso ki bokona mu kizuua kia sabhalu.

Nehemiia 13:25

Anga ngi zoka-nâ, hé ngʼa bhubhidila, ni ku a ta mázui, amoxi mudiʼâ ngʼa beta muene, ni ku a vuza o jindemba, anga ngʼa lokesa mu dijina dia Nzambi ngixi: Kana kubhana dingi anʼenu ahatu ku anʼâ a mala, ni enu ue ki mu sakane dingi o anʼâ ahatu, né ku abhenga phala anʼenu mba phala enu muene.

Jelemiia 32:8

Hanamiiele, monʼa sekuluʼami hé uiza muene kokuami kala kia tange kizuelu kia Jihova, mu lumbu lua kilangidilu hé u ngʼambela, uixi: Sumba kindala, mukáu uami uala mu Anathothe, mu ixi ia Bejamí; mukonda é-muene ua fuama o undundu, eie uala ni kidikulu; sumba-u u kale mukáu ué. Anga ngi tetuluka ngixi: kiki kizuelu kia Jihova.

Hozeia 13:11

Mu njinda iami nga ku bhele sobha, o kia ngi kuata kutema nga ku katula-iu.

Jipoxolo 13:21

O mundu kia bhingi sobha, Nzambi u a bhana Saúlu mona Kiji, mukua muiji ua Bejami, hé u bhanga makuinhi a uana a muvu ni ku a tumina.

I Samuuele 3:13

Mukonda nga mu tangela kiá kuila dibhata diê ngi di êlesa ku mivu sé dizubhilu, mukonda dia kutondala kuejiia muene, mbata anʼê a di bhange ifusa, muenephe ua tokoka o ku a bazela ni kua fudisa.

I Samuuele 9:18

Bhenhobho Saúlo anga u zukama kua Samuuele bhu dibokuenu dia bhata, uixi: Ngi tangele hanji, nga ku diondo, o inzo ia mumonhi iala kuebhi?