I Samuuele 9:13 - O Mikanda Ikola

¹³ Mua-nda kuila mu tukuluka ngó mu nzunga, mu takana-nê kindala kioso kiluua a banda ku thala mu kúdia; kuma akua bhata ka xikina luua kúdia katé muene kia benzela o sata; kiene kiua ki adia, oso a a kuvitala. Bandenu kiá, kiki kiene o kithangana kia kutakana-nê.

I Samuuele 9:13 ပူးပေါင်းရင်းမြစ်များ

II Samuuele 15:11

Mu Jeluzaleme anga mu kala hâma jiiadi ja muthu ela kumoxi ni Abisalone ku Hebolone, a exana ene iá etaia, hè aia-nê sé kuijiia kima.

Matesu 14:19

Muène anga u tuma mundu kuxikama bhu iangu. Hé u katula o mbolo jitanu, ni mbiji jiiadi, u tala ku diulu, u sakidila Nzambi, anga u kuata kubhasujula o jimbolo ni ku ji bhana jixibulu, ene hé a kala mu ji uanena o mundu.

Matesu 26:26

O kia kala mù kúdia, Jezú u katula mbolo, u sakidila Nzambi, hé u i bukujula, anga u i uanena jixibulu, uixi: Amenu, mu die. Uene o mukutu uami.

Marku 6:41

Muene anga u tambula o mbolo jitanu ni mbiji jiiadi, u bhetula mesu ku diulu, he u sakidila Nzambi. U bhasujula o jimbolo, anga u ji bhana jixibulu phala ku a uanena. Ni jimbiji ua a uanena-ju ene oso.

Luka 24:30

Kia zubha-phe kuxikama ni ene ku meza, muène u tambula o mbolo, hé u sakidila Nzambi. Anga u i bukula, u a bhana-iu.

Luka 9:16

Jezú anga u tambula o jimbolo jitanu ni mbiji jiiadi, u zambula mesu ku diulu, hé u sakidila Nzambi. Anga u ji bula-bula kumoxi ni jimbiji, hé u ji bhana jixibulu, mu ku uanena o kifuẋi.

Nzuá 6:11

Jezú anga u tambula o jimbolo, u sakidila Nzambi, anga u a uanena, oso a xikama. Ua a uanena ue o mbiji anga a dia kioso kia tena, katé ki ekuta.

Nzuá 6:23

sumbala ki kuákie kuejile jibáluku jamukuá ja tundu mu Tibeliiade, anga ji bhixila bhu kididi bha dile o jimbolo, kia zubha Ngana kusakidila

I Kolindo 10:30

Eme se nga sakidila Nzambi mukonda dia kudia ku ngi dia, phala-hi o kima ki nga di ni kusakidila Nzambi ki bhekela ku ngi longolola?

I Timote 4:4

Kuma kimbamba kioso kia bhanga Nzambi kia uabha, kana-bhu kia tokala kudituna-kiu, se athu a ki tambula ni musambu ua kusakidila.

I Samuuele 2:35

Nga kà zangeleka nganga iami iengi ia fiiele, uà kala muthu ua kukumbidila ioso ia ngi kala ku muẋima ni mu kilunji kiami; muene nga ka mu tungila dibhata diakolo, uà kala mu kuenda jinga bhu pholo ia muthu uami nga mʼundu ni maji sé dizubhilu.

I Samuuele 9:14

Anga a banda mu mbonge; o kia zubha kutula mu mbonge, a mona Samuuele iú, muene u takana-nâ mu kutunda phala kuia ku thala.