I Samuuele 9:12 - O Mikanda Ikola

¹² Anʼa ilumba a kumbulula, exi: Iú koko; uala ku pholo ienu kuenhoko; endelenu-ku, kuma lelu muene ua bhixila bhu bhata bhabha, mukonda akua bhata ala ni sata lelu ku thala kuná.

I Samuuele 9:12 ပူးပေါင်းရင်းမြစ်များ

Dimatekenu 31:54

Jakobo anga u jibha ibhaku, u bhanga sata mu mulundu muenhomo, hé uixana phange jê mu kúdia kizokola.

I Malunda 16:39

Ni Zadoke, o nganga uê, kiene kimoxi ni jiphange jê, o jinganga, mbé akale mu bhanga o ukunji bhu pholo ia balaka ia Jihova iakexile kuthala bhuadileka mu Jibiione.

I Samuuele 10:5

Kutunda bhobho ua kà bhita kalundu ka Nzambi, bhuala o kibangu kia akua Fidíxia; kia kà bhita-phe kuila, mu kutula bhu bhata bhobho, ua ka takana ni kibuka kia jipolofeta, ala mu tunda ku thala ni kuxika kakoxi, ni ngoma, ni mbéndu, ni mbanza, a kà kala mu zuela ni uanji ua upolofeta.

I Samuuele 16:2

Samuuele-phe, uixi: Ngiia-ku kiebhi? Mukonda Saúlo se u kʼivua, u ngi jibha. Jihova uixi: Uia ni seseme ia ngombe, ua kèla kuma ngeza mu satela Jihova.

I Samuuele 2:35

Nga kà zangeleka nganga iami iengi ia fiiele, uà kala muthu ua kukumbidila ioso ia ngi kala ku muẋima ni mu kilunji kiami; muene nga ka mu tungila dibhata diakolo, uà kala mu kuenda jinga bhu pholo ia muthu uami nga mʼundu ni maji sé dizubhilu.

I Samuuele 20:6

Tatʼenu ki ebhula kioso kia ngi kambesa-bhu, eie ua kèla uixi: Davidi ua ngi bhingi disesa dia kuia ni lusolo ku Beleme, ku bhata diâ; kuma kuala sata ia muiji uâ, ene mu i sata ku mivu ioso.

I Samuuele 7:17

Mu kuvutuka-phe uiza bhu Lama, kuma bhene bhu bhata diê bhua kexi Inzu iê; anga u fundisa jinga Izalaiele bhenhobho; anga u tungila-bhu kalatódio kua Jihova.