I Samuuele 8:7 - O Mikanda Ikola

⁷ Jihova anga u ambela Samuuele, uixi: A evue; dízui dia mundu ku di tènde, mu ioso ia ku ambela; kuma ki eie a ku ditunu, a ngi ditunu Eme, mbé ki ngi kale dingi ngi sobha iâ.

I Samuuele 8:7 ပူးပေါင်းရင်းမြစ်များ

Makatukilu 16:8

Mozé anga u kumbulula dingi, uixi: Mu ki mona, Jihova kianda ku mi bhana kúdia xitu mu ngoloxi, ki kukia anga mu dia mbolo katé muekuta; mukonda Jihova ua mʼivu o kuzuela kuenu, ku mua mu longolola na-ku muene. Mbata etu, etu akua-hi? Ki etu mua tu longolola, kuma mua longolola Jihova.

Izaía 66:4

Eme uami nga kà a solela lusebu phala ene, ima ia a kuata uoma iene i nga kà a bhekela ku thandu diâ; mbata kioso ki ngʼexana, né-ku uetaia; o ki nga zuela, ki bhuala ua ngʼivu; inda, a bhange phulu ku mesu mami, a solo ima i nga di-zemba na-iu.

Jelemiia 34:14

Kʼibhua sambuadi dia mivu, kala muthu a jitune uoso phangʼiê, hebeleu, a mu sumbisa kokué, iú ua ku bhikila kiá eie mu mivu isamanu, u mu ambudisa ni ufolo kokué; maji phe jitata jenu nguâ ku ngʼivua, mba ku ngi bhetekela mátui.

Izekiiele 2:3

Muene ua ngʼambela, uixi: Eie monʼa muthu, eme nga mu ku tuma ku anʼa Izalaiele, ku miji ia ẋinuka, a ngi ẋinukina eme; ni ene ni jitata jâ a ngi tondalela, katé ni mu lelu muenhumu.

Izekiiele 3:7

Maji o dibhata dia Izalaiele, ki dia-nda kuinda ku ku bhana mátui, mukonda ene ngua-uâ ku bhana matui kokuamiʼeme; mbata o dibhata dioso dia Izalaiele diène ni pholo ia huku ni muẋima ua kolokota.

Dialuilu 22:20

Nzambi anga uiza kua Balamu mu usuku, u mu ambela, uixi: Mala iá hé eza ku kuixana, balumuka, uie-nâ; ki kale-phe kizuelu kioso ki ngi ku tangela, kiene ki u bhanga.

Matesu 10:40

Uoso u mi tambululʼ enu, ua ngi tambulula eme; uoso-phe u ngi tambululʼ eme, ua tambulula ió ua ngi tumu.

Luka 10:16

Bhenhobho Jezú anga u ambela o maxibuluʼê, uixi: Uoso u mʼívua enu, eme a ngʼivu; uoso u mi tènda, eme a ngi tènde; o uoso-phe u ngi tènda eme, ua tènda ió uoso ua ngi tumu.

Luka 19:14

Maji o akua ʼxi iê-phe a mu zembe, anga a tumikisa jiphunga ku dima diê mu kuamba: Etu muthu iú nguetu-nê kukala sobha mu ku tu tumina etu.

Luka 19:27

Jinguma jamiʼ ojo-phe, kʼ andalele eme ni ngʼ a tumine, ngi bhekedienu-nâ bhabha, mu a jibhile bhu pholo iami!

Nzuá 13:16

Mbata ni kidi kiene, ngi mi ambela: Mubhika ka tundu ngana iê, o mukunji ka tundu uoso ua mu katula.

Afundixi 8:23

Ngiddiione anga u ambela, uixi: Eme ki ngi mi tumina, ne bhuofele ue monʼami ka mi tumina; kikala u mi tumina Jihova.

I Samuuele 10:19

Enu-phe kizuua kia lelu mua ditunu Nzambi ienu uene ku mi kudila mu mavuua menu moso ni mu malamba menu; mua mu ambela, muixi: Kana, tu bhane sobha i tu tumina. Kiki-phe di tienu ku minono bhu pholo ia Jihova, mu di tungule kala kioso ki mua di kaiejela mu miji ienu ni mu jimidi jenu.

I Samuuele 12:1

Samuuele anga u ambela Izalaiele ioso, uixi: Talesenu, kala ki mua di muena-kiu, eme nga mʼivu dízui dienu mu ima ioso i mua ngʼambela, mu ku mi bhana sobha ienu phala ku mi tumina.

I Samuuele 12:12

Maji o ki mua mono-phe Nahaxi, sobha ia anʼa Amone, ueza ku mi lua, enu mueza ko-kuami, muixi: Kana, kikale tu kala kiá ni sobha iia ni ku tu tumina; sumbala Jihova muene sobha ienu.

I Samuuele 8:22

Jihova anga ambela Samuuele, uixi: A évue dízui diâ, u a ialesele sobha, i kale mu ku a tumina. Samuuele anga u ambela mala ma Izalaiele, uixi: Muanganenu kala muthu ku bhata diê.

I Samuuele 8:8

Kia kaiela mu imbamba iâ ioso iene kubhanga, tunde kizuua ki nga a katula mu Ijito katé kizuua kia lelu, kuma a ngi baluka, a bhikila nzambi jengi, eie ue kiene kiala ku ku bhanga.