I Samuuele 8:20 - O Mikanda Ikola

²⁰ phala tu sokele ni akua jixi jamukuá, sobha ietu nʼa kale mu tu fundisa, a tu kale ue ku pholo, a tu bhângele mu ita.

I Samuuele 8:20 ပူးပေါင်းရင်းမြစ်များ

Jisálamu 106:35

maji a di lungu-nâ mu umatumbu uâ, anga a di longa o ifua iâ iaiibha.

Makatukilu 33:16

Kuma ki tualʼiki, a kʼijiia kiebhi kuma tua sange ngalasa ku mesu mé ni eme ni mundu ué uenhú? Ka kʼijidila mu kuila tuendela kumoxi, eie muene i uala ku tu bheka, bhene muene bhu tu di tunguila, ni eme ni mundu ué, ku mundu uoso mu ngongo.

Dialuilu 23:9

Tundé ku thandu dia matadi nga mu mono, ku milundu ngi mu tala iuná; kifuẋi kiê, kifuẋi kia di tungidila, ka moneka akuâ a soko-nâ.

Nzuá 15:19

Se enu mua tokalele ku mundu, o mundu ueji kuzola o kiê. Maji mukonda ki mu tokala ku mundu, mbata eme nga mi tungula ku mundu, kiene mundu ki ua mi zembela.

Loma 12:12

Sangulukenu jinga mu kudielela ku muala na-ku; kuatenu kinhenge mu izudidiku, kolokotenu mu kusamba, ki mu bhuile.

II Kolindo 6:17

Ngana muène uixi, dingi: Uila kiki, Tundenu mu mundu uâ, mu di kalele, eme ngi Ngana. Kana kubabata kima kia ufusa, eme nda ngi mi tambulule.

Matendelelu 7:6

Mbata eie ki ualʼokio u povo iangene ia Jihova Nzambi ié; O Jihova. Nzambi ié ua ku tungula muʼaxaxi ka ifuẋi ioso ia tungu kʼulu dia mundʼuku, phala u kale kiá u povo ia mu fuama muene ngó.

Filipe 3:20

Maji-phe, etu kokuetu ku diulu, ku tua kinga ku tunda Mubhuludi uetu, Ngana Jezú Kristu.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

I Samuuele 12:12

Maji o ki mua mono-phe Nahaxi, sobha ia anʼa Amone, ueza ku mi lua, enu mueza ko-kuami, muixi: Kana, kikale tu kala kiá ni sobha iia ni ku tu tumina; sumbala Jihova muene sobha ienu.

I Samuuele 12:2

Kiki-phe talenu, sobha iú ua-nda ku mi kala ku pholo; eme-phe nga kuka kiá, ni jimvi kiá mu mútue; anʼami muala-nâ muʼaxaxi kenu; eme-phe ngendela bhu pholo ienu tunde mu undenge uami katé mu kizuua kia lelu.

I Samuuele 8:5

anga a mu ambela, exi: Talesa, eie ua kuka kiá, o anʼê-phe kala kuendela mu njila jê. Tu ialesele sobha ietu, i kala mu tu fúndisa kala mu jixi jamukuá.