I Samuuele 8:19 - O Mikanda Ikola

¹⁹ Mundu-phe aditunu dízui dia Samuuele; exi: Kana; tu kala muene ni sobha i tu tumina,

I Samuuele 8:19 ပူးပေါင်းရင်းမြစ်များ

II Jisobha 21:9

Maji-phe ene a tokoka o kuívua; mukonda o Manasa ua somboka mu ku a tondalesa katé ene a beta o kubhanga ufusa, o matumbu a akua jixi a jimisa Jihova bhu pholo ia anʼa Izalaiele, ala ndenge.

Jisálamu 81:11

Maji o mundu uami-phe ka xikina ku ngʼivua dízui; Izalaiele ka ngʼindi! Nguê ku ngi tumaka!

Jisálamu 81:12

Eme ue kiene ki nga ehela, a kaiele o kuxibhaka kua muẋima uâ, aie kuoso kua a tumu o jivondadi jâ.

Izaía 66:4

Eme uami nga kà a solela lusebu phala ene, ima ia a kuata uoma iene i nga kà a bhekela ku thandu diâ; mbata kioso ki ngʼexana, né-ku uetaia; o ki nga zuela, ki bhuala ua ngʼivu; inda, a bhange phulu ku mesu mami, a solo ima i nga di-zemba na-iu.

Jelemiia 44:16

Ku maka ió u ua tu tangela mu dijina dia Jihova, eie ki tua-nda ku ku tumaka:

Jelemiia 7:13

Kindala-phe, kuma enu ima ioso iii, iene i mua mu bhanga, eme Jihova, o ki nga zuela, nga mi tela maka, enu o kuivua nguenu, o ki nga mʼixana, nguenu kuitaia.

Izekiiele 33:31

Ene anga eza kokué, kala o mundu ki uejidila kiá o kuiza, hé a xikama bhu pholo ié-eie, kala mundu uami, anga evua muene o maka oso u uà tela, maji ka xikina kuia ni ku a bhanga; mukonda a bhomba ni dikanu diâ, maji o muẋima uâ uala ku kaiela o unjenje uâ.

Matendelelu 17:14

Kioso ki u bhixila moxi i ku bhana Jihova Nzambi iê, anga u i-vua, hé u tunga muenhomo, o ki uanda kuila: Ngi di hingisila kiá muenexi, ngi kale kala kiala akua-jixi a ngi kala mu jimbandu;

I Samuuele 12:12

Maji o ki mua mono-phe Nahaxi, sobha ia anʼa Amone, ueza ku mi lua, enu mueza ko-kuami, muixi: Kana, kikale tu kala kiá ni sobha iia ni ku tu tumina; sumbala Jihova muene sobha ienu.