I Samuuele 8:14 - O Mikanda Ikola

¹⁴ Ni mábhia menu, ni mivide i mua phaphe, ni midiva, ioso ia uabhabhu u i tambula u i bhana jiselevende jê.

I Samuuele 8:14 ပူးပေါင်းရင်းမြစ်များ

I Jisobha 21:19

Anga ua kà mu tangela, uixi: Ngana uambe kiki: Manhi kua jibha, eie ua tambula undundu? Ua ka mu tangela dingi, uixi: Ngana uambe kiki: Bhu kididi bhua lesela jímbua o manhinga ma Nabote, jímbua ue bhene bhu ja kà lesela o manhinga mé, o mé eie-muène!

I Jisobha 21:2

Kunu ku eza, Akabe u zuelesa Nabote, uixi: Ngi bhane díbhia dié dia mivide, nda di kale ndombe iami, mbata dia zukama bhu mbanduʼa inzo iami; anga ngi ku bhana dia mukuá dia beta kuuabha diene ndenge; mba, se ki ku uabhela ku mesu mé, ngi ku bhana kioso ki dia te mu kitadi.

I Jisobha 21:7

Bhenhobho mukajʼê Jezabele, u mu ambela, uixi: Kindala kʼeie ua mu tumina ku ungana ua Izalaiele? Balumuka, u die mbolo, muẋima ué u sanguluke; eme nga-nda ku ku bhana o dibhia dia mivide dia Nabote, mukua Jizeleele.

Izekiiele 46:18

O kilamba-phe ka kà tambula kima ku undundu ua kifuẋi; ka kà a bhûnde kima kiâ kia muambiʼa kidi; o ku kiê-muene-muène, kia muambe-a-kidi, kuene kua kà xa o undundu phala o anʼê, mbebhu o mundu uami kʼaie ni ku u katula, kala muthu, ku kiê kia mu tokala.

I Samuuele 22:7

Saúlo anga u ambela akua mbèle a mu imanena, uixi: Ivenu, enu mu akua Bejamí; manhi monʼa a Jese ua-nda ku mi bhana mábhia ni mivide, u mi bhanga kukala mu jikabhjitangu ja jimidi, mu jikabhitangu ja jihama?

I Samuuele 8:13

Anʼenu a ahatu ue ua kà a tambula mu kala jikidiiada jê ja kuiudika nguendu ia dizumba, ni ja ku mu lambela, ni ja ku mu bhangela jimbolo.

I Samuuele 8:15

Ni jimbutu jenu, ni mivide ienu, u mi tambula-ku dijimu diê, hé u bhana ku jikabhitangu jê ni jiselevende jê.