I Samuuele 7:9 - O Mikanda Ikola

⁹ Samuuele anga u kuata kambudi hanji kala mu kuámua, u ka bhana mu sata ia muvimba ia kuoha kua Jihova; Samuuele anga udikola ubhingila Izalaiele kua Jihova; Jihova anga u itaia.

I Samuuele 7:9 ပူးပေါင်းရင်းမြစ်များ

Jisálamu 50:15

Nda u dikola ko kuami, mu kizuua ki kuiza o kutata; eme ngi ku kudila, eie anga u kala ni ku ngi ximana.

Jisálamu 99:6

Jinganga jê sai, ni Mozé ni Alá, o jipolofeta ue sai, Samuuele: ela jinga a dikola kua Jihova, muene u a evua anga uitaia.

Jelemiia 15:1

Jihova-phe ua ngambela, uixi: Né-mbe hanji Mozé ni Samuele emanene bhu pholo iami, o muenhu uami ki ueje ku di bunda ni mundu iú; a kaie, bhu pholo iami a tunde-bhu.

Ijila 22:27

Ngombe mba mbudi, mba hombo, se iòvuale ngó lelu, ikale hanji mu matânga a mamʼâ katé mu sambuadi dia izuua; o ki i bhua, kuabhu, tunde kiá mu kizuua kia kanake katé kiá ku pholo, kibhaku kiókio ki tena kiá kusedivila kiambote mu ku ki bhakula ku sata ia kubhakula ni túbhia kua Jihova.

Matendelelu 9:26

Eme-phe hé ngi sambela Jihova, ngixi: Ngana Nzambi, Nzambi tata, ku ki bhange kubuikisa o povo ia tokala undundu ué, povo i ua kula ni unéne uoso, Eie ua i jituna ku Ijito, ni lukuaku lua undanda.

Tiiaku 5:16

Kala kiki, fisalenu mudienu ituxi ienu, mu di diondele mu kusamba, phala a mʼilule. O kusamba kua muthu uaiuka, ku lenda kiavulu mu kukalakala.

Afundixi 6:26

u tunge kalatódio ka Jihova Nzambi ié, ku thala bhu kididi kiki kia di fikidila bhuoso bhua tokala, u ka iudika kiambote ka sokelele, u kuate o ngombe ia kaiadi, u i bhane mu sata ia kuoha, o ditutu di ua-ndu kokela bhoxi, diene di kala jihuinhi.

Afundixi 6:28

Kukia ni kimene, akua bhata kia balumuka ku kilu, a sanga kalatódio ka Baale a ka bulu, muxitu bhu mbandu ié a u kokela bhoxi, ngombe ia kaiadi a i satela ku thandu dia kalatódio kengi ka tungu-bhu.

I Samuuele 10:8

Ua kà ngi tuamenena mu kulumuka ku Jidingale; nga kà ku sanga kuenhoko, mu bhana jisata ja kuoha ni jisata ja kutululuka; eie ua kà kinga sambuadi dia izuua, katé ki ngi ku sanga, ngi ku tangele kioso ki u bhanga.

I Samuuele 12:17

Ngi dikola-phe kua Jihova phala a tumikise o inuminu ni mvula; phala mu kʼijiie nda mu mone kuma kubhukumuka kuenu kua vulu ku mua bhange mu mesu ma Jihova, mu ku mu bhinga sobha phala enu.

I Samuuele 16:2

Samuuele-phe, uixi: Ngiia-ku kiebhi? Mukonda Saúlo se u kʼivua, u ngi jibha. Jihova uixi: Uia ni seseme ia ngombe, ua kèla kuma ngeza mu satela Jihova.

I Samuuele 2:35

Nga kà zangeleka nganga iami iengi ia fiiele, uà kala muthu ua kukumbidila ioso ia ngi kala ku muẋima ni mu kilunji kiami; muene nga ka mu tungila dibhata diakolo, uà kala mu kuenda jinga bhu pholo ia muthu uami nga mʼundu ni maji sé dizubhilu.

I Samuuele 7:17

Mu kuvutuka-phe uiza bhu Lama, kuma bhene bhu bhata diê bhua kexi Inzu iê; anga u fundisa jinga Izalaiele bhenhobho; anga u tungila-bhu kalatódio kua Jihova.

I Samuuele 9:12

Anʼa ilumba a kumbulula, exi: Iú koko; uala ku pholo ienu kuenhoko; endelenu-ku, kuma lelu muene ua bhixila bhu bhata bhabha, mukonda akua bhata ala ni sata lelu ku thala kuná.