I Samuuele 7:4 - O Mikanda Ikola

⁴ Kienhokio anʼa Izalaiele anga a tubhula ni Jibaale ni Axitalote, a kala mu bhikila ngó Jihova ubheka uê.

I Samuuele 7:4 ပူးပေါင်းရင်းမြစ်များ

I Jisobha 11:33

Mukonda Solomá ua ngi xisa iú uaii mu kubheza Axitalote, o nzambi ia muhatu ia akua Sidone, ni Kamo o nzambi ia akua Mouabhe, ni Milikome, o nzambi ia anʼa Amone. Nguaiê kuendela mu njila jami, ni a bhange kia iukila ku mesuʼami, ni kualuka o ijila iami ni itumu iami, kala kia bhanga jinga tatʼâ Davidi.

I Jisobha 11:5

Mukonda Solomá ua kaiela kia o dihamba dia Axitalote, nzambi ia muhatu ia akua Sidone; ni kukaiela ue Milikome, o kisunji kia akua Amone.

I Jisobha 8:48

anga kuenhoko a diela ko kué ni muẋima uâ uoso ni muenhu uâ uoso, o mu ixi ia jinguma jâ ja ambata ku ubhika, anga a ku sambela eie ni kulungila o pholo ku ixi i ua bhele o jitata jâ, ni ku sanzala iii i ua tungula, ni ku inzo iii i nga tungila o dijina dié,

II Jisobha 23:15

Katé ue ni Kalatódio ka kexile bhu Betele ni ditala dia bhangele Jelubouamu monʼa Nebate, ua bhangesele Izalaiele kuta ituxi, kumoxi ni Kalatódio kenhoko ni ditala diê, muene ua di sengulula; o ditala ua di sengulula, o Kalatódio ua ka kitula fufuta, o kiteka kia muxitu muene ua ki te mu túbhia.

Hozeia 14:3

Asídia ki muene ua-nda ku tu bhulula; o ku jikabalu ue ki tua-nda kumondala-ku dingi; o kima kia bhange kuala makuʼetu, ki tua-nda ku ki tangela dingi, kuamba: Eie, eie kiá u Nzambi ietu; mukonda o monʼa kitungu, ua kambe tata ni mama, kiadi u ki bongela momué.

Hozeia 14:8

Ifalaíme ua kʼèla, uixi: Eme bhu ngalʼabha o iteka nga kuata na-iu kima kiahi? Eme-phe ngi mu suua, o kia zulʼokio ngi ki ivua muene. Mbata eme nga di bhange kala ngi mufuáia ua buingita mu thembu joso, o ibundu ié u i sanga jinga momuami.

Afundixi 2:11

Bhenbhobho anʼa Izalaiele anga a bhanga kiaiibha ku mesu a Jihova, a kala mu bhikila Jibaale.

Afundixi 2:13

Kuma a xisa muene Jihova, hé a kala mu bhikila Baale ni Jitalote.

I Samuuele 7:3

Samuuele anga u zuela ni muiji uoso ua Izalaiele, uixi: Se muedi mu vutuka kua Jihova ni muẋima uenu uoso, hé mu tubhula jinzambi ja matumbu ni Axitalote muʼaxaxi kenu, ni mu lunge mixima ienu kua Jihova, ni mu mu bhikile muene ngó ubheka uê; muene-phe u mi kudila bhu maku ma akua Fidíxia.

I Samuuele 7:5

Samuuele anga u zuela dingi, uixi: Bhongololenu Izalaiele ioso bhu Mixipa, phala eme ngi mi sambele kua Jihova.