I Samuuele 7:10 - O Mikanda Ikola

¹⁰ Anga ki bhita kuila, kiosuʼiki Samuuele kiala kubhana o sata ia kuoha, akua Fidíxia a tula, eza mu kúlua ni Izalaiele; Jihova-phe u numina kizuua kienokio ni kinuminu kia dízui diê dia dikota ku thandu dia akua Fidíxia, hé ua dimbulula ni uoma uavulu a lenga malusolo; anga a toloka bhu pholo ia akua Izalaiele.

I Samuuele 7:10 ပူးပေါင်းရင်းမြစ်များ

Jisálamu 18:15

Koxi a menha anga ku moneka ni kioso ki enda jihonga jê, kibumu kia xala mu kanga katé ku disesa diê, mukonda dia kubazela kué, u Jihova, mukonda dia muha u fuafua mu mazuluʼé.

Jisálamu 29:3

Dízui dia Jihova di bhita ku thanduʼa menha; Nzambi uene ni kubenha, u numina; Jihova ua xikama ku menha mavulu.

Jisálamu 29:4

Dízui dia Jihova kutena kuahi ngó! dízui dia Jihova diezala unéne!

Jisálamu 78:66

U di ta mu jinguma ni ku a batela bhoxi; a bhi-ku muene, ua a bhesa lusolo.

Zakadiia 4:6

Muene anga u kuata kuzuela, uixi: O kiki, kiene o kizuelu kia Jihova kua Zolobabele, kuila: Ki mu nguzu mba mu undanda, maji mu Nzumbi Iami, kiene kia tange Jihova dia Ilombo Ieta.

Matendelelu 28:7

Jihova ua kʼènda ni ku ku toluela o jinguma joso ji balumuka mu ku ku kanena, u a nemeka muene bhu pholo ié. Se eza njila imoxi mu kubhânga ni eie, eie ua-nda ku a kaia, a ku lenga mu sambuadi dia njila.

Josuué 10:10

Jihova anga u a titidisa bhu pholo ia Izalaiele, u a kuama kiavulu, mu Ngibiione; u a ambatesa ni njila i banda ku Mbetolone, hanji kia oseka katé mu Azeka ni mu Makeda tulʼé.

Afundixi 4:15

Jihova anga u dimbula Xixela, ni makalu mê moso, ni kifuẋi kiê kioso, ku mazu a xibhata bhu pholo ia Balake; Xixela muene anga u tuluka mu dikalu diê, hé u lenga lusolo ni inama bhoxi.

Afundixi 5:20

Katé ni jithéthembua ku diulu ja di te-mu, jithéthembua mu ʼnjila jâ jala kúlua ni Xixela.

Afundixi 5:8

Izalaiele kiedile a sola jinzambi jengi; ku mabhitu a imbaka kua a tukuluka ita; ni ngubu ngó ni sosa ki i moneka dingi, mu makuinhi auana a midi ia akua Izalaiele.

I Samuuele 12:17

Ngi dikola-phe kua Jihova phala a tumikise o inuminu ni mvula; phala mu kʼijiie nda mu mone kuma kubhukumuka kuenu kua vulu ku mua bhange mu mesu ma Jihova, mu ku mu bhinga sobha phala enu.

I Samuuele 14:15

Anga bhu kala kuteketa bhu kibangu kia akua Fidíxia, ni mu mukau, ni ku mundu uoso; akua poxto, ni akua kubhûnda, a teketa uâ; ni mavu a zamba mukonda kuteketa kuavulu kiki kua tundu kua Nzambi.

I Samuuele 2:10

Oso a bhânga ni Jihova a kà tolojoka; muene u a numinina tunde mu diulu. Jihova uà fúndisa maẋokololo a jixi. Sobha iê ua kà mu bhana o nguzu ni kutumina ua kà zangeleka o kutena kua muthu uê ua mu undu ni maji.

I Samuuele 7:11

Mala ma Izalaiele-phe anga a tunda bhu Mixipa a kaia akua Fidíxia, a a beta, katé mu honga, mu luiji lua Betekale.