I Samuuele 6:9 - O Mikanda Ikola

⁹ Anga mu tala kiá; se i bandela njila ia mbámbe iê muene katé bhu Bete-seme, tu kʼijiia kuma muene ua tu bhange kiaiibha kiosoʼiki; o ki i kamba kuila njila ioio, tu kʼijiia ue kuma lukuaku lua muene ki luene lua tu kuama, maji kima kiezé ngó kibhûku.

I Samuuele 6:9 ပူးပေါင်းရင်းမြစ်များ

II Samuuele 1:6

Munzangala ua mu mu tudila njimbu, uixi: Mu kuenda kibhuku ngi kala mu bhita ku mulundu ua Jiliboua, anga ngi sanga Saúlo iú ua di kubu ku sosa iê, o makalu a ita ni akua jkikabalu a-lu mu kaia, iá eza ni ku mu zukama.

I Jisobha 4:9

Bebe-Dekele, mu Makaze, ni mu Salabini, ni mu Bete-Semexe, ni mu Elone ni mu Nete-hanana;

II Malunda 25:21

Anga Jouaji, sobha ia Izalaiele, u banda; ni muene ni Amaziia, sobha ia Juda, anga a di mona pholo ni pholo bhu Beteseme, ixi ia tokala mua Juda.

Makatukilu 8:15

Falaó-phe kia mono kuila kuala hanji kunhoha, u kola dingi o muxima, ka ẋikina ku a evua; kiene kia tange Jihova, kiene.

Ndongixi 9:11

O ki nga lunguluka, nga mono ku mundu kuila o lusolo ki lua ió ngó a bhebhuluka, mba o mazonda ene ngoho a tolola o ita, né ue o kúdia ki phala ngoho oso ejiia, mba o jinjimu ene ngoho a mona o umvuama, mba oso a xitunuka mu thulu ene ngó a bonga o ujitu, maji o ibatu ni jithembu ja tokala ene oso mu uzediuilu ua muthu ni muthu.

Izaía 26:11

Jihova, tata! Sumbala lukuaku lué lua zangalala muene, maji ene hanji a tokoka ku lu mona! Maji-phe, a kà lu mona anga adiuana, mukonda dia muanu u ua kuatela o mundu ué; o túbhia-phe hádia tua kà buikisa o jinguma jé.

Amoji 3:6

Manhi mbungu ki i xika mu sanzala, athu a kamba kusasumuka? Kima iaiibha mbé ki bhité ngó mu sanzala, ki Jihova ua ki tumu?

Luka 10:31

Sai ue nganga u kulumukina o njila ienhoio, o kia mu sange iú, u somboké ku mbandu.

Josuué 15:10

O kienhokio-phe i alukile mu luiji, Baala-phe uaxala, iene iia katé ku milundu ia Seíle, o mulundu ua Jeadimi a u bhitila mu betekete iê ku kisambu kia kexila ku thunda; iú-phe muene Keselone. Anga i kulumuka kiá ku Bete-seme, i bhitila mu Timina,

Josuué 21:16

ni sanzala ia Aime, ni mbalelu iê, ni sanzala ia Juta, ni mbalelu iê, ni sanzala ia Beteseme, ni mbalelu iê; miji iiadi iii ia bhana dívua dia sanzala.

I Samuuele 6:10

Mala enhó anga a ki bhanga, a kuata mama jiiadi ja ngombe jala kuamuisa, a ji kuika ku dikalu, a jika anʼâ mu kibhanga ku bhata.

I Samuuele 6:12

Jingombe anga ji kuata njila iaiuka ditônono, njila ia Bete-seme; jela muene mu ikoka, ji jʼenda ji dila, né ku kiasu né ku kúdia ki ja bhambukila bhuma; jisobha ja akua Fidíxia anga jiia ni kukaiela katé bhu mbámbe ia Beteseme.

I Samuuele 6:3

Ene exi: Se mu tumikisa álaka ia Nzambi ia Izalaiele, ki mu i tumikise ia hatu; ki bhinga muene mu mu vutuila mubhaku ua kudiẋikina mulonga; se mua ki bhange, mu iluka; hé mu kʼijiia kioso kia mu kambesa kukatula luluaku luê ku thandu dienu.