I Samuuele 6:6 - O Mikanda Ikola

⁶ Mu kolela-hi muxima kala kia kolele muxima ua akua Ijitu ni Falaó a kolesele muxima uâ? Muene Nzambi ia Izalaiele, kia bhangele isunji ni madiuanu muʼaxaxi kâ, manhi o mundu uê ka ehele nʼaiá?

I Samuuele 6:6 ပူးပေါင်းရင်းမြစ်များ

Jobe 9:4

Muene njimu ia muẋima, munéne mu kusuina; nanhi muene u zoka-nê mba úlua-nê nʼa kalʼé ni kutululuka?

Jisálamu 95:8

kana dingi kukola o mixima ienu kala bhu Medibah, kala o kizuua kia Masah mu kikangalakata;

Makatukilu 10:3

Mozé ni Alá anga aia a bokona kua Falaó, a mu ambela, exi: O Jihova, Nzambi ia Jihebeleu uambe kiki: Eie u dituna katé bhebhi kutoloka bhu pholo iami? Eha o mundu uami, phala aie a ngi bhikile.

Makatukilu 14:17

Eme-ze ngi kolesa o miẋima ia akua Ijitu, phala ene uâ a kutuke-mu mu ku a kaiela; bhenhobho ngi tambula fuma ku thandu dia Falaó, ni ku kilômbo kiê kioso, ni makalu ê a ita, ni kavalelu jê.

Makatukilu 14:23

O akua Ijitu a kexi mu ku a kaiela, anga a kutuka uâ mu kaẋi ka kalunga, ni jikamelo ja Falaó, ni makalu, ni kavalelu jê.

Makatukilu 4:21

Jihova anga u ambela Mozé, uixi: Mu kubhiẋila mu Ijitu, u kumbidila o kubhanga bhu pholo ia Falaó o madiuanu oso u nga ku bhana bhu maku; eme-phe nga kà mu kolesa o muxima uê, ka-nda kuẋikina kueha o ifuẋi.

Makatukilu 7:13

Falaó-phe bhenhobho u kola muẋma, ka ẋikina ku a evua; kiene kia tange Jihova, kiene.

Makatukilu 7:14

Jihova anga u ambela Mozé, uixi: Muxima ua Falaó ua thathamana, ka ẋikina kueha o mundu kuiâ.

Makatukilu 8:15

Falaó-phe kia mono kuila kuala hanji kunhoha, u kola dingi o muxima, ka ẋikina ku a evua; kiene kia tange Jihova, kiene.

Makatukilu 8:32

Maji Falaó anga u tona dingi kukola muxima uê, nguê kueha o mundu nʼaiâ.

Makatukilu 9:16

maji-phe kiene ki nga ku bhakela ku muenhu, phala ku ku idikiza kutena kuami, mbé o dijina diami di fumane mu ngongo ioso.

Makatukilu 9:34

Falaó-phe kia zubha kumona kuma mvula ni matadi ni inuminu ia bhu-ku, u tona dingi kuta kituxi, u kola o muxima, ni muene ni akua mbèle iê.

Loma 2:5

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.

Jihebeleu 3:13

Di suinisienu-phe mudienu izuua ioso, kioso o kizuelu kia kuila lelu, ki ambe o Mikanda Ikôla, hanji kia tu tokala etu. Bhangenu kienʼ iki phala kana muthu a mu bhomba kuala o ituxi nʼ a kole muẋima.