I Samuuele 6:3 - O Mikanda Ikola

³ Ene exi: Se mu tumikisa álaka ia Nzambi ia Izalaiele, ki mu i tumikise ia hatu; ki bhinga muene mu mu vutuila mubhaku ua kudiẋikina mulonga; se mua ki bhange, mu iluka; hé mu kʼijiia kioso kia mu kambesa kukatula luluaku luê ku thandu dienu.

I Samuuele 6:3 ပူးပေါင်းရင်းမြစ်များ

Jobe 10:2

Nzambi nga-nda ku muʼambela, kuma: Kana ku ngʼelesa; ngʼijidise mba mukonda diahi Eie ua mu zoka ni eme.

Makatukilu 23:15

Kizokola kia dianga ki mu kuata, kia jimbolo jʼòsusu; sambuadi dia izuua mu dia jimbolo jakambe felemendu, kala ki nga mi tumu, izuua i nga xindi ku mbeji ia Abibe, kuma iene o mbeji i mua katuka mu Ijitu; ki bhu kale muthu uiza-phe ni maku a hatu bhu pholo iami.

Makatukilu 34:20

se monʼa bulu u tuama kujikula divumu, u mu kula ni mona mbudi mba hombo; o ki uila kana ku mu kula, u mu bukula xingu; anʼenu oso a phande-kumbi mu a kula. Kana muthu uiza bhu pholo iami ni maku a hatu.

Makatukilu 8:15

Falaó-phe kia mono kuila kuala hanji kunhoha, u kola dingi o muxima, ka ẋikina ku a evua; kiene kia tange Jihova, kiene.

Ijila 5:6

a bheke-phe kua Jihova mu kuêla kuê, sata ia kusatela kituxi kiê kia te, kibhaku kia e mukaji, mba mbudi mba hombo, mu sata ia kituxi; nganga anga u mu bhangela kiamenga mukonda dia kituxi kiê.

Ijila 6:6

U bheka ujitu kua Jihova mu kuêla kuê, kilumbe kia mbudi kiadisanze kiambote sé ngó unema, eie-muène u ki mona se kia te kiasoko, anga u ki bhana kua nganga;

Matendelelu 16:16

Mala oso mu kaẋi kenu a tokala kuiza lutatu ku muvu mu ku di bhakula bhu pholo ia Jihova Nzambi ié, bhu kididi bhuoso bhua solo muene; moxi, bhu fesa ia jimbolo ja hangâla; kadi, bhu fesa ia jisemana; tatu, bhu fesa ia jifundu; maji kana kuiza ni maku ahatu bhu pholo ia Jihova.

I Samuuele 5:11

Mukonda dia kiki a tuma kubhongolola dingi jisobha joso ja akua Fidíxia, exi: Alaka ia Nzambi ia Izalaiele i tunde mʼoxi ietu, tumenu ku i bheka dingi bhu kididi kiê, kuma o kukamba ku ki bhanga, i tu jibha muene ni mundu uetu uoso. Mukonda o kibuika kia kalunga kia sambuka mu mbanza ioso kia kuata uoma uavulu; lukuaku lua Nzambi lua a nemena ni nguzu ioso.

I Samuuele 5:7

O mala ma akua Ajindode kia zubha ku ki mona, exi: Alaka ia Nzambi ia Izalaiele ki i kale dingi bhu bhata dietu, kuma o lukuaku luê lua xixima ku thandu dietu ni ku thandu dia Dangoni nzambi ietu.

I Samuuele 5:9

Anga a bheka álaka ia Nzambi ia Izalaiele kuenhoko. Kia zubha-phe ku i sondolola, lukuaku lua Jihova lu nemena ku thandu dia akua dibhata koko ni kibuika kia dikota ki kuata uoma; anga Jihova u beta akua bhata, ni jindenge ni makota, aia ni ku tunda mabhumbu ku mukutu mu ididi ia jisonhi.

I Samuuele 6:8

Anga mu katula álaka ia Jihova, mu i tule ku thandu dia dikalu; o makembu ma ulu u muala ku mu vutuila mu mubhaku ua kudiẋikina mulonga, mu ma bhaka mu ngonga bhu mbandu iê; mu i sulule, phala iiê.

I Samuuele 6:9

Anga mu tala kiá; se i bandela njila ia mbámbe iê muene katé bhu Bete-seme, tu kʼijiia kuma muene ua tu bhange kiaiibha kiosoʼiki; o ki i kamba kuila njila ioio, tu kʼijiia ue kuma lukuaku lua muene ki luene lua tu kuama, maji kima kiezé ngó kibhûku.