I Samuuele 6:19 - O Mikanda Ikola

¹⁹ Muene Jihova anga u beta akua Bete-seme, mukonda a zongola moxi dia álaka ia Jihova; ku mundu anga u betaku makuinhi sambuadi a muthu, ene oso makota mʼathu; mundu anga a kala mu dila mukonda Jihova ua a beta ni kibetu kiavulu.

I Samuuele 6:19 ပူးပေါင်းရင်းမြစ်များ

II Samuuele 6:7

Njinda ia Jihova anga i uamena Uza; Nzambi anga u mu betela bhenhobho mukonda dia kutondala kuê; u fuila bhobho bhu mbandu ia álaka ia Nzambi.

II Malunda 25:21

Anga Jouaji, sobha ia Izalaiele, u banda; ni muene ni Amaziia, sobha ia Juda, anga a di mona pholo ni pholo bhu Beteseme, ixi ia tokala mua Juda.

Makatukilu 19:21

Jihova anga u ambela Mozé, uixi: Tuluka, u tendelele o mundu, ka bhume ni kusomboka bhu mbámbe, mbé kutalesa Jihova, phala ki bhu kale mundu ua vulu a fua muʼaxaxe kâ.

Makatukilu 33:4

O mundu-phe ki evu hundu iaiibha kiki, a kala ni mukondo; kana dingi muthu mudiâ ua di te makembu mê.

Dialuilu 1:51

O balaka né ia bhingi kuenda, ene akua Levi a i sokomona; o bhua bhingi ku imika dingi, ene akua Levi a i sokeka; hé bhueza muthu uengi ki kale a mu jibha.

Dialuilu 4:15

Kioso Alá ni anʼê kia kà zubha kuvunga ku imbamba ioso ia dibhezelu, kilombo kuila kia-nda kukatuka kiá, kiene kiua kiʼza anʼa Kohate mu ku i zangula; ima iene ikôla-phe ka i kuate ni maku, phala ka fue. Ima iii iene kimbamba kia anʼa Kohate ku balaka ia kutakanena.

Dialuilu 4:18

Muiji ua mabhata ma anʼa Kohate, kana ku a batula mu kibuka kia Jilevita;

Dialuilu 4:20

ene-phe ka tuame kubokona mu dibhezelu, nʼa mone kioso ki a ta imbamba ikôla mu mavunga, phala ka fue.

Matendelelu 29:29

Ima ioso iosuekeʼoio ima-phe iangene ia Jihova Nzambi ietu; o ioso ia di monekena ia tu tokala etu ni anʼetu, katé kiá ku hádia ni hádia. Phala tuende ni ku kumbidila o maka moso ma Kitumu kiki.

Kolose 2:18

Kana kuehela muthu nʼ a mi tambule o dilau dienu, ni kuila kuma muene uala kota mu ku di tolesa kua vondadi iê, ni mu kubheza ji-anju. Muthu u kala kiki, ua landukila ngó o ima ia mono muene iú ua nanuka ngó mu ilunji iê ia xitu.

I Phetele 4:17

Kuma o tembu ieza kiá ia kufundisa, kua-nda kumatekena kua ió oso a tokala mu dibhata dia Nzambi. O kufundisa-phe se kua matekena ko kuetu, kua kà kala kiebhi mu kuzumbukila kua ió oso a xibhaka o Jingolokela Jambote ja Nzambi?