I Samuuele 6:16 - O Mikanda Ikola

¹⁶ O jisobha jitanu ja akua Fidíxia, kia zubha ku ki mona mesu, a vutuka kizuua kienhokio ku Ekolone.

I Samuuele 6:16 ပူးပေါင်းရင်းမြစ်များ

Josuué 13:3

Tunde ku Xihole ia lulamena ku thunda ia Ijitu, katé ku mbambe ia Ekolone, ku mbandu ia kusuku, iambe exi ia tokala Makanana; ni jingana jitanu josuʼojo, ja akua-Fidíxia; o mukua Ngaza, ni mukua Ajindode, ni mukua Axikelone, ni mukua Ngate, ni mukua Ekolone;

Afundixi 16:5

Jisobha ja akua Fidíxia anga jiza ku muhatu muenhú, exi: Mu bhombe katé ki u kʼijiia kioso kia mu bhana o nguzu iê iavulu, mba tu mu bhanga kiebhi mu ku mu tolola, ni ku mu kuta phala ku mu talesa hanji hadi; hé u ki bhanga, tu ku bhana kala muthu midi ni hama ia itadi ia phalata.

Afundixi 3:3

sobha jitanu ja akua Fidíxia, ni akua Kanana oso, ni akua Sidónia, ni akua Hivi a tungu mu mulundu ua Libano, tundé mu mulundu ua Baale-helemone katé bhu phaka ia Hamate.

I Samuuele 5:10

Kienhiki a tumikisa álaka ia Nzambi ku Ekolone. Mu kubhiẋila-phe ni álaka ia Nzambi ku Ekolone, akua Ekolone a dikola, exi: A tu bhekela kunu o álaka ia Nzambi ia Izalaiele, mu ku tu jibha etu ni mundu uetu uoso!

I Samuuele 6:12

Jingombe anga ji kuata njila iaiuka ditônono, njila ia Bete-seme; jela muene mu ikoka, ji jʼenda ji dila, né ku kiasu né ku kúdia ki ja bhambukila bhuma; jisobha ja akua Fidíxia anga jiia ni kukaiela katé bhu mbámbe ia Beteseme.

I Samuuele 6:4

Ene-phe, exi: Mubhaku ua kudiẋikina mulonga u kala kiebhi, uoso u tu mu vutuila? Exi: Mu iudika mabhumbu matanu ma ulu, ni tundôndo tutanu tua ulu, kifua mu sokesa mu sobha jitanu ja akua Fidíxia, kuma o dibhebhu diene dimoxi dia kexile ku thandu dienu oso ni kuthandu dia jisobha jenu.