I Samuuele 5:6 - O Mikanda Ikola

⁶ O lukuaku lua Jihova phe anga lu nemena ku thandu dia akua Ajindodi, anga ua buikisa ni mabhumbu a bheka jifidila ku mataku, kutale mu Ajindodi, uixi mu mabhata mê moso.

I Samuuele 5:6 ပူးပေါင်းရင်းမြစ်များ

Dimatekenu 41:31

O kuxinganeka ngó kuikuta mba nzungule ia makudia, mu ngongo ki kià kala-mu dingi, mukonda dia nzala ia-nda kuiza-ku, kuma i kala muene kiaúla.

Jobe 31:3

Manhi ki kuene o kutexika phala mukua ituxi, ni kuxixima kua ió oso a bhanga kia ibha?

Jisálamu 145:20

O Jihova u langa oso a mu zola; iá-phe a bhukumuka hádia u a buikisa.

Jisálamu 147:6

Jihova u zangeleka ió a di tululula; abhukumuka-phe u a tununa muene katé bhoxi.

Jisálamu 32:4

Kuma lukuaku lué lua ngi nemena muanha ni usuku; mukutu uia ni kuxoueta kala mu muanha ua kixibhu. (Selah.)

Jisálamu 78:66

U di ta mu jinguma ni ku a batela bhoxi; a bhi-ku muene, ua a bhesa lusolo.

Makatukilu 9:3

talesa o lukuaku lua Jihova lua-nda kutuluka ku thandu dia ibhaku ié iala mu mukáu, ni ku jikabalu, ni jibulu, ni ku jikamelo, ni ku jingombe, ni ku jimbudi, ni ku jihombo; ku kala muene dibhebhu dia iibha.

Jipoxolo 13:11

Kiki-phe, talesa, lukuaku lua Ngana lua ku tula. Uandu bhanga thembu ku ufofo, dikumbi ku di mono. Mu ʼanzanzʼ omo Elimase uivua mu mesu mua mu tuluka kavunda ni usuku, anga u andeka kujingujuka ni kubabajala mu kusota uoso u mu kuata mu lukuaku.

Matendelelu 28:27

Jihova u ku tatesa ni mikôngo ia tokala akua Ijito; anga ku di ta matute ni jihana ni madiazela, ma ku kuatela ku mataku, anga uila o saké, lémbua.

I Samuuele 5:11

Mukonda dia kiki a tuma kubhongolola dingi jisobha joso ja akua Fidíxia, exi: Alaka ia Nzambi ia Izalaiele i tunde mʼoxi ietu, tumenu ku i bheka dingi bhu kididi kiê, kuma o kukamba ku ki bhanga, i tu jibha muene ni mundu uetu uoso. Mukonda o kibuika kia kalunga kia sambuka mu mbanza ioso kia kuata uoma uavulu; lukuaku lua Nzambi lua a nemena ni nguzu ioso.

I Samuuele 5:7

O mala ma akua Ajindode kia zubha ku ki mona, exi: Alaka ia Nzambi ia Izalaiele ki i kale dingi bhu bhata dietu, kuma o lukuaku luê lua xixima ku thandu dietu ni ku thandu dia Dangoni nzambi ietu.

I Samuuele 5:9

Anga a bheka álaka ia Nzambi ia Izalaiele kuenhoko. Kia zubha-phe ku i sondolola, lukuaku lua Jihova lu nemena ku thandu dia akua dibhata koko ni kibuika kia dikota ki kuata uoma; anga Jihova u beta akua bhata, ni jindenge ni makota, aia ni ku tunda mabhumbu ku mukutu mu ididi ia jisonhi.