I Samuuele 5:4 - O Mikanda Ikola

⁴ Kia balumuka dingi mu kimene, kizuua kia mukuá a sanga Dangoni ua dibhale pholo bhoxi, bhu pholo ia álaka ia Jihova; ni mútue ua Dangoni, ni makanda mê ma maku a batukila bhu phidika ia muelu bhua di bhalela, Dangoni ua subhuka ngó ni mbunda iê.

I Samuuele 5:4 ပူးပေါင်းရင်းမြစ်များ

Izaía 27:9

Kienhiki-phe, o kikuma kioso kia Jakobo, a kà ki bhuisa-ku ni kiamenga; o kiki kia kà kala kiene o kibundu kia kukatula o kituxi kiê kioso, kioso. O Jihova muene kia-nda kubhanga o matadi oso a kalatódio kala matadi ma hala a ma bula-bula; kieneʼokio ue, o mixitu ni iteka ia lumbidile o dikumbi, ki ia kà tena dingi kuimana.

Izaía 40:20

O ngadiama ka tena kubhana kia soko, u sola muxi ua kithèndele; u sota ue uoso hete ia kusonga, anga u mu songela o kiteka kila hudí, ki kiene ku di-zambesa.

Jelemiia 10:11

A tangedienu kiki: O jinzambi joso ja kambele ku bhanga maúlu ni oxi, ja-nda ku jikinina kulu dia mundu, ni bhoxi dia diuluʼabha jijimuka-bhu.

Jelemiia 10:14

Muthu uoso-lolo ua di bhange kingoho, kejiia kima; azunzi oso sonhi ja a kuata kia tala o kiteka kiâ kia kuzunza; kuma o iteka iê ia kuzunza makutu ngó, momuʼâ kana-mu muenhu moxi.

Jelemiia 10:15

Ia di bhange kingoho, midimu ia mangonha; o bhu kithangana kia ku a zungila, hinu a jima o mbutu.

Jelemiia 50:2

Tangenu-kiu mu kaxi ka akua jixi. Ambenu-kiu a kʼivue, lekenu muene o mvela ambenu-kiu a kʼivue, kana ku ki sueka, kuila: Babilonha a mu tolola kiá, Bele ua tandanganha, Melodake a mu bhiti ku thandu, o iteka iâ sonhi ja a kuata, jinzambi jâ ja dibhale bhoxi.

Daniiele 11:8

Ni mahamba mâ kumoxi ni nzungule ia iteka iâ ia kuzunza, ni itutu iâ ia phalata ni ia ulu, ua kà i ambata kala jihutile katé mu Ijito; anga muene ubhanga tumivu ni kukamba ku di kuata ni sobha ia kusuku.

Mikeia 1:7

Iteka iê ioso iobhange ni maku a ka i bukujula, ni itadi ioso i a mu futu ku maufusa mê a kà ioha mu túbhia, mahamba mê moso nga kà ma bhuisa-ku mukonda ua a sumbu ni kitadi kia undumbu ué, mʼa kà biluka mukuâ ni futu ia muhetu ua kidianzunga.

I Samuuele 6:5

Kienhiki-phe bhangenu idifua ia mabhumbu menu, ni idifua ia tundôndo tuenu kuma jene o jiphuku jala ku mi zangela o ixi; mu bhane o fuma kua Nzambi ia Izalaiele; amoxi se enu mu bhanga kiki, o muene u tebhununa-ku ku kinemenu kia lukuaku luê ku thandu dienu, ni ku thandu dia nzambi ienu, ni ku thandu dia ixi ienu.