I Samuuele 5:10 - O Mikanda Ikola

¹⁰ Kienhiki a tumikisa álaka ia Nzambi ku Ekolone. Mu kubhiẋila-phe ni álaka ia Nzambi ku Ekolone, akua Ekolone a dikola, exi: A tu bhekela kunu o álaka ia Nzambi ia Izalaiele, mu ku tu jibha etu ni mundu uetu uoso!

I Samuuele 5:10 ပူးပေါင်းရင်းမြစ်များ

II Samuuele 7:9

Eme ngende ni eie kuoso-kuoso ku ua di tela jinga, jinguma jé nga ji buikisa bhu pholo ié; nga ku jîngisa o dijina, kala o majina ma athu ónene a fumana mu ngongo.

II Jisobha 1:2

Akaziia anga u sonoka, ua laukila mu mazungu ma inzo ia di leka ia kexile na-iu mu Samádia, anga u kata; anga u tumikisa jiphunga u a tangela, uixi: Ndenu, mua kʼebhule kua Bale-Zebubu, nzambi ia Ekolone, se nga-nda kudisanza ku uhaxi iú mba kana.

I Malunda 7:21

ni monʼê Zabade, ni monʼê Sutela, ni Ezele ni Elade, a a jibhile kuala o mala a Ngate, akuaʼxi, mukonda ene a kulumukine hé a a tulukila mu ku a bhunda o ibhaku iâ.

Amoji 1:8

O jithungi a tungu mu Ajidode nga kà a jikinisa kumoxi ni iú uala ni mbasá ia Axikilone bhu lukuaku, anga lukuaku luami nga kà lu vutulula phala kúlua ni Ekolone; o ió a subhuka ku ixi ia Fidíxia a kà a jikinisa, kiene kia tange Jihova.

Amoji 6:2

Bhitenu mu Kalene, mu tale; o ki mu tunda bhobho, mu-ie ue mu Hamate, o munéne; tulukilenu-phe kiá ku Ngate ia akua Fidíxia; mbebhu ene a beta kota, maungana iá ndenge? Inga mbambe jâ ene kota mu kuzanza, o jenuʼenu ndenge?

Josuué 13:3

Tunde ku Xihole ia lulamena ku thunda ia Ijitu, katé ku mbambe ia Ekolone, ku mbandu ia kusuku, iambe exi ia tokala Makanana; ni jingana jitanu josuʼojo, ja akua-Fidíxia; o mukua Ngaza, ni mukua Ajindode, ni mukua Axikelone, ni mukua Ngate, ni mukua Ekolone;

Josuué 15:11

hé i di kunga dingi ni betekete ia mulundu ua Ekolone ku mbandu ia thunda iê, anga mbambe iii iia muene katé ku Xikelone, i matuke o mulundu ua Baala, i kutukile mu Jabiniiele, phale o masukilu ma mbambe iii ma kutukile mu musanza ua Kalunga.

Josuué 15:45

Ekolone, ni sanzala jê ni tumadiembu muene kutumina.

Afundixi 1:18

Juda anga u tambula dingi Ngaza ni jisanzala jê, ni Axikilone ni jisanzala jê, ni Ekolone ni jisanzala jê.

I Samuuele 17:52

Mala ma akua Izalaiela ni Juda anga a balumuka ni ku ta nzòngo ia kibulukutu kia ita, a kaia akua Fidíxia katé bhua suku o honga, bhu Ngate, katé bhu mielu ia kimbaka kia Ekolone. Ku akua Fidíxia, oso a a kuama anga aia ni ku dibhalabhala, mu njila mu izala ni imbi iâ tunde bhu Salaíme katé bhu Ngate ni bhu Ekolone.

I Samuuele 5:11

Mukonda dia kiki a tuma kubhongolola dingi jisobha joso ja akua Fidíxia, exi: Alaka ia Nzambi ia Izalaiele i tunde mʼoxi ietu, tumenu ku i bheka dingi bhu kididi kiê, kuma o kukamba ku ki bhanga, i tu jibha muene ni mundu uetu uoso. Mukonda o kibuika kia kalunga kia sambuka mu mbanza ioso kia kuata uoma uavulu; lukuaku lua Nzambi lua a nemena ni nguzu ioso.

I Samuuele 5:9

Anga a bheka álaka ia Nzambi ia Izalaiele kuenhoko. Kia zubha-phe ku i sondolola, lukuaku lua Jihova lu nemena ku thandu dia akua dibhata koko ni kibuika kia dikota ki kuata uoma; anga Jihova u beta akua bhata, ni jindenge ni makota, aia ni ku tunda mabhumbu ku mukutu mu ididi ia jisonhi.

I Samuuele 6:1

Alaka ia Jihova anga i kala mʼoxi ia akua Fidíxia sambuadi dia mbeji.