I Samuuele 4:4 - O Mikanda Ikola

⁴ Kienhiki mundu a tuma athu ku Silo, anga a takana kuenhoko o álaka ia kikutu kia Jihova dia ifuẋi, uene kuxikama muʼaxaxi ka jixelube; anʼ aiadiphe a Eli, Hofini ni Finehase, anga ejiia kumoxi ni álaka ia kikutu kia Nzambi

I Samuuele 4:4 ပူးပေါင်းရင်းမြစ်များ

II Samuuele 15:24

Talesa-phe, Abiiatale anga u banda ue ku thala, Zadoke ue uiza, ni jilevita joso kumoxi, a kexe mu kuambata álaka ia kikutu kia Nzambi; anga a tula álaka ia Nzambi bhenhobho katé mundu uoso azubha kutunda mu mbanza.

II Samuuele 6:2

Davidi anga u zanguka ni mundu uoso uala-nê kumoxi, aia bhu Bahale ia Juda, mu kutakana kuenhoko o álaka ia Nzambi, ia ku fumanesena o Dijina, dijina dia Jihova dia Ifuẋi, ua xikama muʼaxaxi ka jixelubini.

II Jisobha 19:15

Ezekiia bhenhobho anga u samba bhu pholo ia Jihova, uixi: Ó Jihova, Nzambi ia Izalaiele, tata! Eie ua tunga mu kaẋi ka jixelube; eie muene ngó ubhekʼèlele ué! Kuma Eie ngó u Nzambi ia miji ioso Kulu dia Mundu; eie uà bhanga o diulu ni ixi!

Jisálamu 80:1

Tu ivue, eie u Mubidi ua Izalaiele, eie u mukua kuendesa Zuze kala kilunga kia ibhaku; eie ua xikama ku thandu dia jixelubini, muika!

Jisálamu 80:2

Bhu pholo ia Ifalaíme, ni Bejamí, ni Manasa, vunza nguzu ié, uize mu ku tu bhulula.

Jisálamu 99:1

Jihova ua hingi ungana uê; akua jixi a tekete; Muene ua xikama bhu kaẋi ka jixelubini; ixi i tungute.

Izaía 37:16

Jihova dia Ilômbo Ieta, u Nzambi ia Izalaiele, ua tunga muʼaxaxi ka jixelubí, eie-muène ngó u Nzambi, Eiemuène ngó ubheka ué, uavu mautuminu moso mu ngongo; eie ua bhanga o diulu nʼoxi.

Malakiia 1:9

Kiki-phe, nga mi diondo, bhingenu kiadi kia Nzambi, kuma muene u kuatela henda; Jihova dia Ifuẋi, uixi: Enu ima ienhiʼii iene i mua bhange ni maku menu, mbé Nzambi u xikina ku mi tambulula?

Dialuilu 4:15

Kioso Alá ni anʼê kia kà zubha kuvunga ku imbamba ioso ia dibhezelu, kilombo kuila kia-nda kukatuka kiá, kiene kiua kiʼza anʼa Kohate mu ku i zangula; ima iene ikôla-phe ka i kuate ni maku, phala ka fue. Ima iii iene kimbamba kia anʼa Kohate ku balaka ia kutakanena.

Dialuilu 4:5

O kilombo hé kia-ndu katuka mu kuenda, Alá ni anʼê a tuama kubokona, a tulula dibeka dia kibatulu, a di futa ku álaka ia umbangi;

Dialuilu 7:89

Mozé kioso kia bokona jinga mu balaka ia kutakanena mu kuzuela ni Jihova, uívua dízui di mu zuelesa, di tunda ku kibhuna kia kiadi kiala ku thandu dia álaka ia umbangi, bhu kaẋi ka xelube jiiadi; kienhiki kiene kia mu zuelesa jinga.

I Samuuele 1:24

Kia zubha ku mu sumuna anga u banda ni mona, ni ngalote jitatu ja ngombe ja kiubha, ni kinda kia fuba, ni kisudi kia vinhu, anga u mu bheka ku inzu ia Jihova mu Silo; kienhokio kambonga kene, hanji ala monʼa uisu.

I Samuuele 14:3

Ni Ahija monʼa Ahitube, phangʼia Ikabode, monʼa Finehase, monʼa Eli, nganga ia Jihova bhu Silo, iú bhobho, ua zuata efodi. Mundu-phe ka kʼijiia kuila Jonata ua tundu-bhu.

I Samuuele 2:22

Kiki-phe Eli ua kuka kiá kiavulu; anga u ivua ioso iala mu bhanga anʼê ku akua Izalaiele oso, ni kioso anʼê ki ala mu zeka ni ahatu ene mu bhongoloka bhu muelu ua balaka ia ditakanenu mu kubhanga kikalakalu.