I Samuuele 4:2 - O Mikanda Ikola

² Akua Fidíxia anga a di ta ku minonono mu kúlua ni Izalaiele; o kia salumuka o ita, Izalaiele a a kaia kuala akua Fidíxia; kuma o ku kilômbo kiâ a jibha-ku midi jiuana ja mala.

I Samuuele 4:2 ပူးပေါင်းရင်းမြစ်များ

Kuditenda 3:40

Jinjila jetu tu ji tongolole kiambote, tu ji lole muene kioso ki jala, tu alukile kua Jihova.

Ijila 26:37

O bhua kambe muthu uala ku a landameka, ene aia jinga ngó ni ku di lumala íbua kulu dia akuá, ufika-phe uixi kua a tula xibhata ia kisuéia; ki mua kà tena-phe ku di fikidila bhu pholo ia jinguma jenu.

Dialuilu 14:45

Bhenhobho akua Amaleke a kulumuka, ni akua Kanana, a tungu mu mulundu muenhomo, anga a a bhesa lusolo, katé bhu Holoma.

Josuué 7:12

Kiene kia lembuela anʼa Izalaiele kuimana bhu pholo ia jinguma jâ; a bhana makunda ku jinguma ni kulenga, mukonda ala ni mázui. Hé mu kamba kutubhula kimʼokio kiokidike muʼaxaxi kenu, eme ki ngi kala dingi kumoxi ni enu.

I Samuuele 17:21

Ni Izalaiele ni akua Fidíxia a di ta ku monono, kilômbo ni kilômbo a di bhana jipholo.

I Samuuele 17:8

Anga u imana, u handekela mu kolela o kilômbo kia Izalaiele, uixi; Mua di tela-hi ku minono mu kúlua? Eme ki emʼiú, ngi mukua Fidíxia, enu-phe ki mu abhika a Saúlo? Solenu uoso diiala phala eze kunu a ngi sange, nda ngi di ẋine-nê.

I Samuuele 4:1

Izalaiele-phe anga a tunda mu kúlua ita ni akua Fidíxia, anga a ta kibangu kiâ bhu mbandu ia Ebenezele; akua Fidíxia-phe a ta kibangu kiâ bhu Afeke.

I Samuuele 4:10

Akua Fidíxia anga a bhânga ni nguzu ioso, a beta Izalaiele, ene anga a lengela kala muthu ku bhata diê. Anga bhu bhita kihaẋi kia dikota, kuma ku mbandu ia Izalaiele kua dibhale makuinhi atatu a midi ia muthu akua kuenda bhoxi.

I Samuuele 4:3

O mundu kia zubha kubhongoloka dingi bhu kibangu kiâ, adiakime a Izalaiele, exi: Phala-hi Jihova ua tu beta lelu bhu pholo ia akua Fidíxia? Tu takanienu álaka ia kikutu kia Jihova ku Silo, tu i bheke kunu muʼaxaxi ketu, phala i tu bhulule bhu maku ma jinguma jetu.