I Samuuele 4:19 - O Mikanda Ikola

¹⁹ Mukajiʼa monʼê-phe, muhatuʼa Finehase, u kala ni divumu, kua mu kambe ngó kudisanza; muene ki evu njimbu kuila álaka ia Nzambi a i tambula, ukouʼé uafu, munumeʼê uafu, u bulukuta hé u vuala, kuma mika iê ia mu kuatela muʼanzanzʼumu bhenhobho.

I Samuuele 4:19 ပူးပေါင်းရင်းမြစ်များ

Dimatekenu 3:16

Anga u ambela o muhatu, uixi: Nga-nda ku ku vudisa o hadi mu kuimita kué; o ana u a vuala ni misusu; u kala jinga mu kuinda muadi ue, o muene-phe ua kà ku tumina.

Dimatekenu 35:17

Kioso-phe kiala mu tala hadi, mama uala ku mu vualesa, uixi: Ku kale ni uoma; kuma ua-nda ku kala ni monʼé dingi uamukuâ ua diiala.

I Jisobha 14:1

Mu izuuʼomo Ahiia, monʼa Jelobouamu, u kuata kukata.

Jisálamu 78:64

Jinganga jâ a a buidisa ku xibhata, atudi â né ngó kudila jingololo ka tena.

Jelemiia 26:6

kuabhu-phe, nga-nda kubhangesa kuila inzu iii i kituka kala Silu, o mbonge iii i di bhanga ia mázui phala jixi joso mu ngongo.

I Samuuele 4:18

Bhenhobho anga ki bhita kuila, kia mu ivu kujimbula kuila álaka ia Nzambi a i tambula, Eli u di bhala ni dima ku kialu kua xikama bhu mbandu ia muelu; anga u toloka o xingu, ufua; kuma ua kuka kiá muene kiavulu, iú ua neme. Muene ua fundisa Izalaiele mu makuinhi auana a mivu.

I Samuuele 4:20

Kithangana kia kala mu kúfua, ahatu nʼakuá a mu kondoloka a mu ambela, exi: Ku kale ni kikote, ua disanze monʼé ua diiala. Muene-phe ka vutula, mukonda ka ki suu dingi kuma uaii kiá ku kiambu.