I Samuuele 4:11 - O Mikanda Ikola

¹¹ Alaka ia Nzambi anga a i tambula; anʼaiadi a Eli, Hofini ni Finehase, anga a a jibha.

I Samuuele 4:11 ပူးပေါင်းရင်းမြစ်များ

Jisálamu 78:56

Suke kiene, maji ene-phe hanji a thathamesa Sukè-ku Nzambi, hanji a mu bhumina, o umbangi uê ka u suu.

Jisálamu 78:64

Jinganga jâ a a buidisa ku xibhata, atudi â né ngó kudila jingololo ka tena.

Izaía 3:11

Mukua phulu-phe, lamba diê, ua-nda kutala hadi; mbata a-nda ku mu vutuila kioso kia tokala mu ikalakala ia muku mê.

Jelemiia 7:12

Maji kindala ndenu-phe ku kididi kiami, kia kexi mu Silu, mu nga xikikile o dijina diami ku dimatekenu, mu tale kioso ki nga mu bhange, mukonda dia unzangi ua mundu uami ua Izalaiele.

I Samuuele 2:31

Talesa, kua-nda kuiza izuua, nga kà ku batula lukuaku lué, ni lukuaku lua dibhata dia tatʼenu, mu bhata dié ki mua moneka dingi muadiakimi ua kuka.

I Samuuele 2:32

Ua kà mona divuua mʼonzo ié, anga uà kala ni luimbi muʼaxaxi ka jimbote joso ji ngi bhanga Izalaiele; maji eie ku izuua ioso mu bhata dié ki mua kà moneka muadiakimi.

I Samuuele 2:34

Kijimbuete kiki kia ku idikiza, kia-nda kuiza ku thandu dia anʼé aiadi Hofini ni Finehase; a kà fuila kizuua kimoxi ene oso kiiadi kiâ.

I Samuuele 3:12

Kuma bhu kizuua kienʼokio ngà kumbidila kua Eli ioso i nga mu tangela ia dibhata diê, tunde bhu ngi mu andekela katé bhu ngi mu zubhila.

I Samuuele 4:21

Mona anga u mu luka Ikabode, kuma uixi: Kijingo kia tundu kiá mu Izalaiele, mukonda ue dia álaka ia Nzambi a i tambula, ni mukonda ue dia ukouʼê ni munumeʼê.