I Samuuele 31:7 - O Mikanda Ikola

⁷ Akua Izalaiele a tungu ku sámbua koko dia kibota, ni akua sámbua diodio dia Njolodá, kia mono kuma akua Izalaiele a a tolola ia a lenge, ni Saúlu ni anʼê afu, mu mabhata mâ a tunda-mu, a lenga; akua Fidíxia-phe anga eza, a bhingana mu mabhata mâ.

I Samuuele 31:7 ပူးပေါင်းရင်းမြစ်များ

Ijila 26:32

Oxi ngi i jikinisa, katé ni jinguma jenu joso ja kà mi bhingana mu ku tunga-mu ja kà di uana-kiu muene.

Ijila 26:36

O ió-phe oso hanji asubhuka-ku momuenu, ngi a tuika uoma uonéne mu miẋima iâ, ubhinga kuila o mʼoxi ia jinguma jâ muala, katé ni dife diala kulokosa ni kitembu, dienhidi dia a bhesa ue lusolo; anga a kà kuata muene kulenga kala ala kulenga xibhata; a kà di vunda-vunda bhoxi, sé ngó muthu uala ku a landameka.

Matendelelu 28:33

Idima itunda mʼoxi ié, ni ima ioso kiá i u talela hadi, a i dia kuala povo iengi eie-muène kua ejiia ngó, anga a ku bhondelekʼé ngó kienhiki izuua ioso.

Afundixi 6:2

Lukuaku lua Midiiana, anga lu lenda Izalaiele ni kusuina kuavulu; mukonda dia uoma ua Midiiana anʼa Izalaiele anga a di iudikila jingenda mu milundu, ni mabanda, ni imbaka.

I Samuuele 13:6

Mala ma akua Izalaiele-phe kia mono kuma ala bhu kíbhidi, mundu ua tate (mukonda a a bhondeleka kiá) mundu a kuata kusuama mu mabanda, mu mixitu, mu matadi, mu imbaka ia matala, ni mu makungu.

I Samuuele 13:7

Jihebeleu jamukuá ja zaúka ku sámbua dia Njolodá kʼoxi ia Ngade ni Ngiliiade. Saúlo-phe hanji uala bhu Jidingale, mundu uoso anga u mu kaiela ni kuteketa mukonda dia uoma.

I Samuuele 31:6

Kala kiki ni Saúlo muene uafu, ni anʼê atatu, ni kibêse kiê, ni makuenze mê ene oso afu kizuua kiâ kimoxi.

I Samuuele 31:8

Kúkia ni kimene, ki eza akua Fidíxia mu zula imbi, a sanga Saúlo ni anʼê atatu a dibhalela mu mulundu ua Jiliboua.