I Samuuele 31:1 - O Mikanda Ikola

¹ Kioso Davidi kia-lu bhita ni imʼiii, koko-phe akua Fidíxia a di kuata ku ita ni Izalaiele. Akua Izalaiele anga a lenga akua Fidíxia, hé a di bhala-bhala ni ku a jibha-jibha mu mulundu ua Jiliboua.

I Samuuele 31:1 ပူးပေါင်းရင်းမြစ်များ

II Samuuele 1:21

Enu milundu ia Jiliboua! ki ku laukile dimume ku thandu dienu, ku thandu dienu ki kuaʼà noke mvula, ki ku kale mábhia ma bhana maujitu kua Jihova! Kuma ngubu ia dizonda kuenhoko kua i texi ufusa, o ngubu ia Saúlo, kala ua kambele ku mu unda ni maji!

II Samuuele 1:6

Munzangala ua mu mu tudila njimbu, uixi: Mu kuenda kibhuku ngi kala mu bhita ku mulundu ua Jiliboua, anga ngi sanga Saúlo iú ua di kubu ku sosa iê, o makalu a ita ni akua jkikabalu a-lu mu kaia, iá eza ni ku mu zukama.

II Samuuele 4:4

O Jonata-phe, monʼa Saúlo, u kala ue ni monʼê ua diiala, ua nemana inama iê iiadi. Monʼú u kala mu mivu itanu kioso ki ejiie o njimbu ja Saúlu ni Jonata ja tundu ku Jezalele; kiledi kiê anga u mu zangula, u lenga-nê; kioso-phe kiala kubhanga lusolo lua kulenga, mona ua laúka, anga u xala ni unema, Monʼú dijina diê Mefi-bozete.

I Samuuele 12:25

Se mu jijila-phe kubhanga ima ia kubhukumuka, mua kà buika, ni enʼuenu ni sobha ienu.

I Samuuele 28:1

Anga ki bhita mu izuuʼomo kuma akua Fidíxia a di bhongolola ilombo iâ mu kuia ku ita, phala kúlua ni Izalaiele. Akiji anga u ambela Davidi, uixi: Ijiia na-kiu kuma uia ni eme mu kilômbo sé kufula, ni eie ni makuenze mé.

I Samuuele 28:15

Samuuele anga u ambela Saúlo, uixi: Ua ngi fudisila-hi kunhoha kuami, o ku ngi fukununa kiki eme ngeza bhabha? Saúlo anga u vutuila Samuuele, uixi: Nga tate kiavulu; kuma akua Fidíxia eza ku ngi lua ita, Nzambi phe ua ngi xi, kala ku ngi vutuila dingi, né ku jipolofeta, né ku jinzoji. Kiene ki nga ku ixanena eie, phala u ngʼijidise kioso ki ngi bhanga.

I Samuuele 28:19

Kua di te dingi kia-nda kubhanga Jihova, u bhakula Izalaiele ni eie kumoxi bhu maku ma akua Fidíxia. Mungu muene ni eie ni anʼé muà kala ni eme ku ngala; o kilômbo kia Izalaiele Jihova u ki bhakula bhu maku ma akua Fidíxia.

I Samuuele 28:4

Akua Fidíxia anga a di bhongolola, eza a ta kibangu kiâ bhu Suneme. Saúlo ue u bhongolola Izalaiele ioso, a ta kibangu kiâ mu Jiliboua.

I Samuuele 29:1

Akua Fidíxia anga a bhongolola ilômbo iâ ioso i tenena bhu Afeke; akua Izalaiele-phe anga a ta kibangu kiâ bhu dijiia dia Jezeleele.