I Samuuele 30:6 - O Mikanda Ikola

⁶ Davidi anga u tata kiavulu, kuma mundu a tele maka a ku mu bûba ni matadi, mukonda muẋima ua mundu uoso uala ni malamba, kala muthu uala mu kuxinganeka anʼê a mala ni a ahatu. Maji Davidi-phe u di kolesa muẋima mua Jihova Nzambi iê.

I Samuuele 30:6 ပူးပေါင်းရင်းမြစ်များ

Dimatekenu 32:7

Jakobo bhenhobho uoma ua mu kuata kiavulu, u kala ni hele; anga u uana o povo iê ni ibhaku iê ia jimbudi ni jingombe, ni jikamelu, mu ibuka iiadi:

II Samuuele 17:8

Husai anga u ta-ku, uixi: Tatʼenu ua mu ijiia kuma muene ni makuenze mê ene oso mazonda, o kialʼiki-phe a thathamana, mukuâ ni mama ia kitôto mu mukáu a mu nhana o tuana tuê; tatʼenu diiala dia ita, ka xikina kutula mu kuzeka kumoxi ni mundu.

II Jisobha 4:27

O kia bhiẋila-phe kua muthu ua Nzambi, ku mulundu, u mu kuata mu inama; maji Jeazí ua bhixila phala ku mu sutununa; o muthu ua Nzambi phe, uixi: Muehe, mukonda o muenhu uê mʼoxi ua mu lulu ni dilamba, Jihova phe iu ua ngi suekela-na-kiu, ka ngi tukuluila-kiu luua.

Jobe 13:15

Né-mbe muene u ngi jibha, hanji nga kinga kua muene; sumbala kiene, maji jinjila jami ngi ji zokela kua muene.

Jisálamu 116:10

Eme nga xikana, kiene ki nga zuelela, sumbala nga tate;

Jisálamu 138:3

Kizuua ki nga dikola, eie uetaia kiá; ua ngi bhana dingi huii ku muẋima moxi.

Jisálamu 18:2

Jihova muene ditadi diami dia kipena, muene mbonge iami ia ku di kondela, kilolo kia ku ngi kudila; muene Nzambi iami, mbonge iami, nga dielela kua muene; muene ngubu iami, lumbinga lu ngi bhângela, ditala diami dia di leka.

Jisálamu 18:6

O mu kubhondalala kuami anga ngʼixana Jihova, ngi dikola muene kua Nzambi iami; muene anga u ngʼivua dízui tunde mu Tembulu iê, kudikola kuami kua mu bhixila mu mátui.

Jisálamu 25:17

Moxiʼa muẋima mua ngi kala malamba; ngʼendese u ngi katule mu jiphaxi.

Jisálamu 27:14

Ngana, se kua mu mono, mu kinge; kolokota, muẋima u kuate nguzu iobhe; nga ku ambela muene, Ngana se kua mu mono, mu kinge.

Jisálamu 31:24

Kolenu maku, miẋima ienu i kale ni nguzu iobhe, enu oso mua dielela kua Jihova.

Jisálamu 42:11

Eie, ua bhuidila-hi muẋima uami? ua zôndela-hi moxi diami? dielela kua Nzambi; kuma hinu ngi mu ximana dingi! Mukonda, muene o kusangumuka kua pholo iami, muene Nzambi iami.

Jisálamu 42:5

O kiki, ua bhuidila-hi muẋima uami? Ua Zôndela-hi moxi diami? Dielela kua Nzambi, hinu ngi mu ximana dingi, hinu ngi bhanduluka dingi mu kumona o pholo iê.

Jisálamu 42:7

Honga i dʼitaiela ni honga ia mukuá, mukonda dia kinuminu kia mabhubha mé, eie Ngana; o mafuta mé moso ni mabhuku mé, ma ngi bhiti muene ku thandu.

Jisálamu 56:11

Kua Nzambi kuene ku ngi dielela, ki ngi kala dingi ni uôma. Hé kima, muthu u tena ku ngi bhanga-hi?

Jisálamu 62:1

Kidi kiene! muẋima uami ua ximbakata mu kinga Nzambi; kua muene ngó ku ngi tundila o kubhanduluka.

Jisálamu 62:5

Muẋima uami di xibhié, u kinge ngó Nzambi; mukonda kudielela kuami ku tunda ngó kua muene!

Jisálamu 71:4

Eie u Nzambi iami, ngi tambule, bhu maku a kisuéia, bhu maku a muthu u dia mangonha, ua kake o muẋima!

Jisálamu 71:5

Kuma eie-muène u kidielelu kiami, Ngana Nzambi; eie-muène nga ku te o muẋima, tunde mu undenge.

Makatukilu 17:4

Mozé anga u dikola kua Jihova, uixi: O mundu iú ngʼa a bhanga kiebhi? Kua a xala kia ngó ku ngi bûba ni matadi.

Jisabhu 18:10

Dijina dia Jihova mukua ni mbonge ia matala ia di jikidila; muthu uoso ua iuka, kuene kua lengela, anga a mu bhaka kididi kia kondama.

Izaía 25:4

Mbata ua di bhange u kimbaka phala ngadiama ni ió ua tate mu lamba diê; u Dilengelu kiza o kibhungu; u Kilembeketa bhu thembu ia kizuza; kuma o muha ua isueia mukuâ ni kibhungu, ki ki di zubila ku kimbaka.

Jelemiia 16:19

Jihova tata, u kimbaka kiami, u nguzu iami, u disuamu diami mu kizuua kia phaxi! Matumbu-ze a-nda kuiza kokué, tundé ku maẋokololo ma ixi, anga ela: Mbé jitata jetu a lunduile ngó makutu, ni kingoho ki kuala kubhanduluka kua kima.

Jona 2:2

uixi: Mu dilamba diami nga dikola kua Ngana, muene ua ngʼitaia; mu mala dia mukiukuluku nga dikola, eie ua ngi-vu dízui diami.

Dialuilu 14:10

Kilômbo kioso kia Izalaiele-phe amba, exi: A bubienu ni matadi. Kubenha kua Jihova anga ku dʼidikiza mu balaka ia kutakanena ku mesu a anʼa Izalaiele oso.

Matesu 21:9

O mundu iú ua tuamenena, ni iú ua mu kaiela, anga a dikola, exi: Hozana Monʼa Davidi! A tane-ku ueza mu dijina dia Ngana! Hozana ku Diulu!

Matesu 27:22

Kuala Pilatu: O Jezú-phe, a mu ixana Kristu, ngi mu bhanga kiebhi? Ene oso exi: A mu phaphele ku dikulusu!

Nzuá 8:59

Ene a bonga matadi ma ku mu takula, maji Jezú-phe u di sueka, anga u tunda mu Tembulu.

Loma 4:18

O Mbalahamu ua kexile ni kuxikana ni kudielela, né mu ithangana ia kuila kana-bhu mutue u mu bhana kudielela; kiene kia mu bhekesa kudibhanga tata ia ifuẋi ia nzungule. Kala ki ambe o Mikanda Ikôla, kuila: O luvualu luê lua kà kala ndumba dia athu.

Loma 4:20

Inda o Mbalahamu kia talesa ku kikutu kia Polomesa ia Nzambi, nguê ku teketa ni phata, maji ua suina ni kuxikana, ni kubhana fuma kua Nzambi.

Loma 8:31

O kiki-phe, imʼ iii tu ila kiebhi? Nzambi se uala ku mbandu ietu, nanhi u tena ku tu tolola?

II Kolindo 1:6

Se etu-phe tu tala hadi, enu tua mi talela-iu, mu ku mi konda malamba ni ku mi bhulula. O ki kala a tu bhandulula, ni enu uenu mu bnhanduluka phala ni mu tambule nguzu ia kubhalakata mu jiphaxiʼ ojo jene jimoxi ni jetu.

II Kolindo 4:8

A tu xina mbandu ni mbandu, maji ka tu tolola. Sai ithangana tu kala mu jiphata, maji ki tu kala ni kikote.

II Kolindo 7:5

Mukonda tunde ki tua bhixidile ku Masedonia, xitu ietu ki ia tenene kubatama. Mu ididi ioso hadi ia tu kondele ku mbandu ni mbandu, jimvunda ni akuetu, ni uôma moxi ku miẋima ietu.

Jihebeleu 13:6

Uila kiki, tu kolokotienu ni kuila: Ngana muène mukuatekexi uami, eme ki ngi kala ni uoma. Hé muthu u ngi bhanga-hi?

Afundixi 18:25

Anʼa Dani a mu ambela, exi: Kana kubhanga dingi jibuia bhabha! O mbimbi ié ki tuandala ngó ku ivua; imoxi bhu kala ni iiala iasaluka mudietu i ku lundama, anga u ta-mu ni muenhu ué, ni mienhu ia mukuá ia bhata dié.

Afundixi 20:22

Mundu uoso ua ana a Izalaiele anga a di phopha a di suinisa phala kubhânga dingi, a di ta dingi ku mikalatata bhuoso bhua di tele ku mikalatata mu kizuua kia dianga.

I Samuuele 1:10

O muhatu mukonda kia mu ludila ku muẋima, u kala mu sambela Jihova, anga u kala mu dila kiavulu.

I Samuuele 23:16

Jónata, monʼa Saúlu, anga u balumuka, uiza kua Davidi mu ditutu bhu Holesa, u mu suinisa muẋima mua Nzambi,

I Samuuele 28:15

Samuuele anga u ambela Saúlo, uixi: Ua ngi fudisila-hi kunhoha kuami, o ku ngi fukununa kiki eme ngeza bhabha? Saúlo anga u vutuila Samuuele, uixi: Nga tate kiavulu; kuma akua Fidíxia eza ku ngi lua ita, Nzambi phe ua ngi xi, kala ku ngi vutuila dingi, né ku jipolofeta, né ku jinzoji. Kiene ki nga ku ixanena eie, phala u ngʼijidise kioso ki ngi bhanga.