I Samuuele 30:25 - O Mikanda Ikola

²⁵ Tunde-phe kizuua kienhókio muene, kia ki zuela Davidi, kia di bhange kijila kiâ ni kifua kiâ mu Izalaiele, katé mu kizuua kia lelu.

I Samuuele 30:25 ပူးပေါင်းရင်းမြစ်များ

Makatukilu 27:21

O mu balaka ia kutakanena, bhu kololo, bhua bhiti o kibatulu, umbangi anga u kala mu xilu, bhene bhu kala o kandeia; Alá ni anʼê ene a ka tambula konda, tunde ngoloxi katé kimene, bhu pholo ia Jihova; ki kala kijila kiâ, kutunda muiji, kuiza muiji, ku ana Izalaiele.

I Samuuele 16:13

Samuuele bhenhobho u sunga lumbinga lua maji, u mu unda muʼaxaxi ka jiphange jê. Nzumbi ia Jihova anga u tula ni nguzu ku thandu dia Davidi tunde kizuua kienʼokio. Kienhiki Samuuele u balumuka, hé u vutuka ku Lama.

I Samuuele 30:24

Nanhi muene u mʼivua o hundu ienu i muala na-iu iii? Mukonda kioso ki tambula iú uele ku ita, kiene ue ki tambula iú ua xedi bhu imbamba. Ene oso a soka mu kuuana.

I Samuuele 30:26

Davidi anga u bhixila bhu Zikilake, ku ibhaku ia tambula anga u tumikisa-ku ku adiakimi a Juda, o makambʼê, uixi: Ujitu-ze iú u nga mi tumikisa, ua tundu ku ibhundile i tua bhûndu ku jinguma ja Jihova.