I Samuuele 30:20 - O Mikanda Ikola

²⁰ Davidi anga u kuata ilunga ioso iamukuá ia jimbudi ni jingombe, anga eza ni ku i kombola bhu pholo iê ni kukola, exi: Iii iene o ibhaku iangene í ia Davidi ia tambula.

I Samuuele 30:20 ပူးပေါင်းရင်းမြစ်များ

II Malunda 14:15

A nemeka ue ku ilunga ia ibhaku; anga ambata-ku ndumba dia jimbudi ni jikamelu hé a vutuka kiua mu Jeluzaleme.

II Malunda 20:25

Jozafate anga uiza ni kifuẋi kiê mu kubhunda o madibongela anga a sanga ndumba dia jimbongo ni nzungule ia imbi, ni ima iate kiavulu, hé a di katuila ndumba dia ima ia bhingi kuila ia mukuá a lémbua ku iʼambata; anga a bhanga izuua i tatu ni kubhunda o ibongèle, kuma ia vudile.

Izaía 53:12

Mukonda dia kiki, nga-nda ku mu katuila dikânda diê ku athu a vulu, sumbala muene ua-nda kuuana o madibhundila kumoxi ni mazonda; mbata ua lundulula o muenhu uê muʼalunga, a mu bundile kumoxi ni ifumbe; maji muene ua di tuika o ituxi ia athu avulu; iú uala kudiondela akua-ituxi.

Loma 8:37

Né ngo! Mu ima ioso íii tuala tu atolodi, maji atolodi ndenge, mu nguzu ia Ió uoso ua tu zola!

I Samuuele 30:21

Davidi anga uiza u sanga hâma jiiadi ja mala, a lembuele kukaiela Davidi mukonda dia kubuila, ia a xedi bhu honga ia Besolo. Ene anga a tunda mu kauidila Davidi, ni mu kauidila ue o mundu aia-nê. Davidi kia zubha kuzukama bhuala mundu, u a menekena muene kiambote ni kutululuka kuoso.

I Samuuele 30:26

Davidi anga u bhixila bhu Zikilake, ku ibhaku ia tambula anga u tumikisa-ku ku adiakimi a Juda, o makambʼê, uixi: Ujitu-ze iú u nga mi tumikisa, ua tundu ku ibhundile i tua bhûndu ku jinguma ja Jihova.