I Samuuele 30:16 - O Mikanda Ikola

¹⁶ Anga u a kulumuisa. Kia zubha ku mu bheka, u sanga a di zanze mu mukâu uoso uenhó, ala mu kúdia ni mu kúnua, ni mu kina, mukonda dia imbamba iavulu ia bhûndu mʼoxi ia akua Fidíxia, ni mʼoxi ia Juda.

I Samuuele 30:16 ပူးပေါင်းရင်းမြစ်များ

II Samuuele 13:28

Abisalone anga u tendelela makuenze mê, uixi: Alukenu kiambote, kioso ki mu mona muẋima ua Aminone ua mu sanguluka kiá ni vinhu, se muevu nga mi ambela kuila: Aminone mu tienu! Enu-phe mu mu jibha muene; ki mu kale ni uoma, kabasa eme muene nga ki tumu; kolenu maku, mu bhange undanda!

I Malunda 4:43

Oso a subhukile kua iá a bhulaka ku akua Amaleke ene a a buba ene oso muene, ia a tungu ene muenhomo katé mu kizuua kia lelu.

Jobe 20:5

o kutana kua isuéia ki ku nange, o kusanguluka kua ati-a-ituxi kua kithangana ngoho kiofele?

Jisálamu 119:162

Nga sanguluka mu kuívua o maka mé, kala muthu ua bongo mbole ia dikota.

Makatukilu 32:6

Ki kúkia anga a di meneka, a bhana jisata ja kuoha, a bheka jisata ja uembu; mundu anga a xikama mu kúdia ni kúnua, hé a balumuka anga a tonoka.

Izaía 22:13

Maji o kiki-phe, uamono, muala ku kemba ni kusanguluka, mu jibha jingombe, mu jibha jimbudi, mu-dia xitu, mu-nua vinhu, mu amba muixi: Tu dienutu, tu nuenutu, mungu tu kane o kúfua!

Izaía 9:3

Eie ua sokolola o mundu iú, ua a bandekeza ue o kusanguluka; ene oso a-nda kusanguluka bhu pholo ié, kala ki sanguluka athu bhu thembu ia kumuna, mukuâ ni kiene kutana athu mu kuuana o madibhundila.

I Tesalonika 5:3

Bhuala kuila athu: Kuma kua batama, kua tululuka, a kà tukumuka kibuika kiâ kia tula! Kia kà kala ue mukuâ ni muhatu ki mu kuata o mika ia kuvuala, kana bhuma bhua bhitila nʼa lenge.

Josuué 22:8

hé u a ambela, uixi: Vutukilenu kiá ku jibalaka jenu ni jimbongo javulu, ni jinzungule ja ibhaku, ni phalata, ni ulu, ni utadi ua ngôndo, ni felu ni izuatu iandumba; ene o mabhundile u mua bhundu ku jinguma jenu, uanenu kumoxi ni akuenu.

Afundixi 8:11

Ngidiione anga u bandela mu njila ia jisanzala ja jibalaka, mu kuia ku Noba ni Jongibeia, ene ua a xi ku luiji, kifuẋi anga u ki beta, kuma ua a sange a di jimbi, exi ki kuiza kima.

I Samuuele 30:14

Tua balukidile kúlua ita mu sulu ia Makelete, ni mu mbandu ia tokala kua Juda, ni mu sulu ia Kalebe; Zikilake tua mu oha mu túbhia.

I Samuuele 30:15

Davidi anga u mu ambela, uixi: Manhi, se tu kulumuka u ngi bheka bhuala masoladi a kibuka kienhiki? Muene uixi: Se u ngi lokela kua Nzambi kuma eie muene ku ngi jibha, ni bhu maku a ngana iami ku ngi bhakulabhu dingi, ngi ku bheka muene bhuala kibuka kiâ.