I Samuuele 30:15 - O Mikanda Ikola

¹⁵ Davidi anga u mu ambela, uixi: Manhi, se tu kulumuka u ngi bheka bhuala masoladi a kibuka kienhiki? Muene uixi: Se u ngi lokela kua Nzambi kuma eie muene ku ngi jibha, ni bhu maku a ngana iami ku ngi bhakulabhu dingi, ngi ku bheka muene bhuala kibuka kiâ.

I Samuuele 30:15 ပူးပေါင်းရင်းမြစ်များ

Dimatekenu 24:3

Eme ngi ku lokese mu dijina dia Jihova, Nzambi ia diulu ni ixi, kuma monʼami ku mu sotele muhatu mu ilumba iʼakuaxi ia Kaná mu nga tungu-mu;

Izekiiele 17:13

Iu ua zangulabhu umoxi ku mbutu ia sobha, iu ua te-nê kikutu, o kia mu lokêsa, iu uezanê; jingana jaʼxi ua ji katula-mu.

Izekiiele 17:16

Jihova Nzambi ua tange, uixi: Ni kidi kioso kala eme ki nga mu laia, bhu kididi bhuoso bhua tungu o sobha ua mu hingisa, ua vu o mulôko uê ua lutu, o kikutu kiê iu ua ki bulu, xi, bhu mbandu iê muene, mu kaxi ka Babilonha, bhene muene bhua mu jibhila.

Izekiiele 17:19

Kala kiki, o Jihova Nzambi uambe kiki: Ni kidi kiene, kala eme ki nga mu laia, o mulôko uami iú u ua sebulula, ni kikutu kiami ki ua bulu, eme ue ima iosuʼiii nga-nda ku i lunduluila ku thandu dia mútue ué.

Josuué 2:12

Kiki-phe, nga mi diondo, ngi lokedienu mu dijina dia Jihova, kuma eme nga mi bhange mbote, enu uenu mu kala ni henda ia dibhata dia tatʼetu, mu ngi bhana kijimbuete kia kidi:

Josuué 9:15

Josuué ua di tambulula-nâ, iu uate-nâ kikutu kia kuila, ki mu fu dingi; makota ma kionge a ta-bhu muene mulôko.

Afundixi 1:24

Ala mu londa anga a mona muthu iú tunda mu mbonge, anga a mu ambela, exi: Tua ku diondo, tu idikize bhuoso bhu tu bokuena mu mbonge, eie tu ku bhange mbote.

I Samuuele 29:6

Akiji u ixana Davidi, u mu ambela, uixi: Nga loka mua Jihova uala ku muenhu, kuila eie u muthu uaiuka, ni kutunda kué ni kubokona kué mu kilômbo kiami, kua ngi uabhela muene; kuma kinga ku mono ni kikuma tunde kizuua ki uà ngi sana katé lelu; maji o jingan a jiji-phe kia mu ku mona, ki kia a uabhela.

I Samuuele 30:14

Tua balukidile kúlua ita mu sulu ia Makelete, ni mu mbandu ia tokala kua Juda, ni mu sulu ia Kalebe; Zikilake tua mu oha mu túbhia.

I Samuuele 30:16

Anga u a kulumuisa. Kia zubha ku mu bheka, u sanga a di zanze mu mukâu uoso uenhó, ala mu kúdia ni mu kúnua, ni mu kina, mukonda dia imbamba iavulu ia bhûndu mʼoxi ia akua Fidíxia, ni mʼoxi ia Juda.