I Samuuele 30:14 - O Mikanda Ikola

¹⁴ Tua balukidile kúlua ita mu sulu ia Makelete, ni mu mbandu ia tokala kua Juda, ni mu sulu ia Kalebe; Zikilake tua mu oha mu túbhia.

I Samuuele 30:14 ပူးပေါင်းရင်းမြစ်များ

II Samuuele 8:18

o Selaia u kala kidivá; o Benaia, monʼa Jehoiada, muene komanande u tumina o masoladi ene kulangidila muenexi, o Makeleti ni Mapelete; anʼa Davidi anga akala ue ene o makota ku mbanza.

I Jisobha 1:38

Bhenhobho-phe nganga Zadoko, ni polofeta Natane, ni Benaia monʼa Jehoiada, ni Makeleti ni Mapeleti, a kulumukina kumoxi, ni Solomá a mu mondalesa ku mula ia muenexi Davidi, hé a biẋila-nê bhu Ngihône.

I Jisobha 1:44

Muenexi ua tumu ue nganga Zadoko, ni polofeta Natane, ni Benaia monʼa Jehoiada, ni Makeleti ni Mapeleti, ia a mu mondalesa ku mula ia muenexi.

I Malunda 18:17

O Benaia, mona a Joiada, muene uakexile ku ukunji ua kutumina o masoladi a kilangidilu kia Sobha; maji o ana a Davidi akexile mu kudianga kukala bhu mbandu ia sobha.

Izekiiele 25:16

kala kiki, o Jihova Nzambi uambe, uixi: Talenu, lukuaku luami ue nga-nda ku lu zengela o ma Fidíxia, o ijibhanganga nga kà i vuza hé nga kà jikinisa iá a subhuka ku mbanduʼa musanza ua kalunga.

Sofoniia 2:5

Lamba dia ió oso a tungu ku ndundu ia kalunga, kokolo dia mundu ua ifuẋi ia akua Keleta! Kizuelu kia Jihova kia kà tula kokuenu enu mu akua Kanana, mua tunga mu ixi ia akua Fidíxia; nga kà mi muanga katé ni umoxi ngó kaxala-ku, u tunga momué.

Josuué 14:13

Josuué anga u mu ta kizediuise anga u bhana ixi ia Hebolone kua Kalebe monʼa Jefune, mu kala undundu uê.

Josuué 15:13

O Kalebe-phe, monʼa Jefune, ua mu bhana undundu uê, muʼaxaxi ka anʼa Judá, kala kioso kia ki tanga Jihova kua Josuué, kiene muene kia bhange; ua mu bhesa sanzala ia Halaba, tata ia anʼa Anake; iene-phe sanzala i exana exi, Hebolone.

Josuué 21:12

Maji o mukáu ua mbonge ienhiʼii ni tumabhata tuê tuofele a u bhana kua Kalebe, monʼa Jefune, mu ubhinganu uê.

I Samuuele 25:3

Muthu iú dijina diê Nabale, o múkajiʼê dijina diê Abingaíle; muhatu iú anga u kala ni kilunji kiambote, anga u uabha ue o pholo kiavulu muene. O diiala-phe u bhonza, anga ukala mukua phulu; muene u tokala ku muiji ua Kalebe.

I Samuuele 30:1

Anga ki bhita kuila, kia zubha-phe Davidi ni makuenze-mê kubhiẋila ku Zikilake, mu kizuua kia katatu, a sanga akua Amaleke a vubuka mʼoxi ioso ia sulu, ni sanzala ia Zikilake a i beta; a i oha mu túbhia,

I Samuuele 30:13

Davidi anga u mu ibhula, uixi: Eie ua tokala kua nanhi? O ku ua tundu, kuebhi? Muene, uixi: Ngi mukua Ijito, ngi mubhika ua mukua Amaleke, ngana iami-phe, lelu tatu tunde kia ngi xi ku dima, mukonda dia kukata kua ngi kuata.

I Samuuele 30:15

Davidi anga u mu ambela, uixi: Manhi, se tu kulumuka u ngi bheka bhuala masoladi a kibuka kienhiki? Muene uixi: Se u ngi lokela kua Nzambi kuma eie muene ku ngi jibha, ni bhu maku a ngana iami ku ngi bhakulabhu dingi, ngi ku bheka muene bhuala kibuka kiâ.

I Samuuele 30:16

Anga u a kulumuisa. Kia zubha ku mu bheka, u sanga a di zanze mu mukâu uoso uenhó, ala mu kúdia ni mu kúnua, ni mu kina, mukonda dia imbamba iavulu ia bhûndu mʼoxi ia akua Fidíxia, ni mʼoxi ia Juda.