I Samuuele 30:12 - O Mikanda Ikola

¹² Anga a mu bhana uê mbandu ia muthadi ua jifiku, ni isaka iiadi ia jiuva; o kia zubha kudia, muenhu uê ueza dingi bhu kididi, kuma kadi kima, kanu menha, mu makumbi atatu ni mausuku atatu.

I Samuuele 30:12 ပူးပေါင်းရင်းမြစ်များ

Estere 4:16

Ndeie, ua kà bhongolole o jijudé joso ala mu mbonge ia Suzana, mu jejuuale mukonda diami, mu fule kúdia ni kúnua mu izuua itatu, ni mu muanha ni mu usuku. Eme uami ni ilumba iami tu jejuuala kiene kimoxi, o ki ki bhua ku ki bhanga kiene kiua ki ngi bhixila kua muenexi, sumbala kima a ki kidika ku ki bhanga; se ki ngi bhinga kubuila-phe, kuabhu, ngi kana kubuila.

Kuditenda 1:11

Mundu uê uoso aia ni kukema mu kusota mbolo ia kúdia; a bhana muene ima iâ iabeta o ku ta kalu mu toloko ia kúdia, mbé kuximbakatesa o muenhu; Eie, Jihova, tongolola-kiu u ki mone, mukonda kusekala kua ngi tula-ze.

Jona 1:17

Jihova-phe ua iudika kiá kuila bhu kale mbiji iadikota phala kuminha Jona; anga Jona u bhanga makumbi atatu ni mausuku atatu mu mala dia mbiji.

Matesu 27:63

Ngana, etu tua lembalala kuma mukua makutuʼó, kia kexile hanji ku muenhu, ua tangele, uixi: Izuua itatu ki i bhita, nga kà fukunuka.

Afundixi 15:19

Nzambi anga u bhangesa kuila o dikungu dia kexi mu Leki muenhomo, di ditandula anga mu fuáfua menha; o muene kia zubha kúnua, muenhu uê ueza dingi bhu kididi, uala dingi ni nguzu. Mukonda dia kiki, exana-bhu, exi: Ene-hakole, ndunga iê iii hanji bhobho mu Leki katé mu kizuua kia lelu.

I Samuuele 14:27

Jonata-phe ka kʼivu, kioso tatʼâ kia tendelela o mundu ni muloko; kienhiki mbangala iê ia kuata bhu maku, u i bonda o pondo mu uiki, anga u ta lukuaku ku dikanu; mu mesu anga mu mu zela.

I Samuuele 30:11

Anga a sanga mukua Ijito mu mukáu, a mu bheka kua Davidi, a mu bhana mbolo, u dia; a mu bhana menha a kúnua, hé u nua.

I Samuuele 30:13

Davidi anga u mu ibhula, uixi: Eie ua tokala kua nanhi? O ku ua tundu, kuebhi? Muene, uixi: Ngi mukua Ijito, ngi mubhika ua mukua Amaleke, ngana iami-phe, lelu tatu tunde kia ngi xi ku dima, mukonda dia kukata kua ngi kuata.