I Samuuele 3:9 - O Mikanda Ikola

⁹ Kienhiki Eli u ambela Samuuele, uixi: Ndeie, kà zekié; o ki kala-phe u ivua ua ku ixana dingi, ua kèla: Zuela, Jihova; mubhikʼé iú uivʼú. Bhenhobho Samuuele uia, u zeka bhu kididi kiê.

I Samuuele 3:9 ပူးပေါင်းရင်းမြစ်များ

Jisálamu 85:8

Ngʼividila kua Jihova Nzambi kioso kia zuela; kuma ka kambe kuzuela paze ku mundu uê, ni kua anʼê oso a mu zola; maji ka ki tone dingi o kuvutuka mu lusebhu.

Jisálamu 85:9

Kidi kiene, o kubhuluka kuê kua zukama kua iá oso a mu kala ni uoma, phala mʼoxi ietu mu tunge dingi o kubenha kuê.

Makatukilu 20:19

Anga ambela Mozé, exi: U tu zuelesa eie, tu ku ivue; kana dingi Nzambi ku tu zuelesa, phala ki tu fue.

Izaía 6:8

Kia bhiti kiki, ngevu dízui dia Jihova, uixi: Mukuahi ngi mu tuma, nanhi u tu endela bhu kididi? Eme-phe, ngixi: Emeʼami-ú, Ngana, ngi tume eme.

Daniiele 10:19

Uixi-phe: Ku kale ni uôma, eie u muthu a ku zola kiavulu! Tululuka; kala u kindanda! Kala muene u kindanda! Kiala ku ngi zuelesa kiki, eme ue nga di tutu kiòmuene, ngixi-phe: Zuela, Muadiʼami, mbata eie ua ngi suinisa.

Jipoxolo 9:6

Muene-phe ni kuteketa ni kudiuana, uixi: Ngana ua mesena ngi bhanga kiebhi? Ngana u mu ambela, uixi: Balumuka-phe, u bhixile mu mbonge, mueneʼomo a kà ku jimbuila kioso ki u bhinga kubhanga.

Josuué 5:14

Kuala muene, kana, ngi kilâmba kia ifuẋi ia Jihova ngeza. Josuué anga u diunda, u ta pholo bhoxi, u mu bheza, uixi: Ngana iami, mubhikʼé u mu ambela kima kiahi?

I Samuuele 3:10

Jihova anga uiza, u imana, u ixana Samuuele kala kia bhangele kiá lutatu lua dianga, uixi: Samuuele, Samuuele. Samuuele bhenhobho uixi: Zuela, Ngana, mubhikʼé iú uivʼú.

I Samuuele 3:8

Jihova anga u ixana Samuuele lua katatu. Anga u balumuka, uia kua Eli, uixi: Emʼiú; kuma ua-lu ngʼixana. Eli anga u tongolola kuma Jihova muene uala kuixana mona.