I Samuuele 3:19 - O Mikanda Ikola

¹⁹ Samuuele anga uia ni ku kula, Jihova anga u kala-nê, kehela maka-mê moso-moso kuláuka bhoxi.

I Samuuele 3:19 ပူးပေါင်းရင်းမြစ်များ

Dimatekenu 21:22

Anga ki kala-phe kuila, o thembu ienhoio, Abimeleke ni Fikole kesongo ka kilômbo kiê, a zuela ni Mbalahamu, exi: Eie Nzambi uala-nê mu ima ioso i ua-lu bhanga.

Dimatekenu 28:15

Talesa eme muene ngala ni eie, ngi kulanga ku ididi ioso ku uia, hinu ngi ku bhangesa kuvutuka dingi mʼoxi muenhumu; kuma ki nga-nda ku ku ehela katé ki nga kà kumbidila ima ioso i nga ku ambela.

Dimatekenu 39:2

Jihova anga u kala ni Zuze, katé ioso ia bhanga ienda kiambote; anga u kala mʼonzo ia ngana iê mukua Ijito.

Dimatekenu 39:3

O ngana iê anga u mu mona kuma Jihova uala-nê, mukonda Jihova ua bhangesa kuila ioso i bhanga Zuze ienda kiambote.

I Jisobha 8:56

Jihova a taneku, ua nhohesa o kifuxi kié kia Izalaiele kala kioso kia tangele, ku izuelu ioso iambote ia zuelele mu ukunji ua ngunza iê, Mozé, ki bhua sonoka né ngó kimoxi.

II Jisobha 10:10

Tumenu-phe ku kʼijiia, kindala, kuila, o ku kizuelu kia Jihova, kia tange muene mu kuzoka ni dibhata dia Akabe, ki kuandu sonoka kama kòfele ngó mu mavu, mukonda Jihova ua-lu bhanga o ima ioso ia tange muene ku ukunji ua selevende iê Elija.

II Jisobha 15:12

O kiki kiene o kizuelu kia Jihova kiambelele Jehu, kuila: O anʼé, eie, katé ku muiji ua kauana, a kà tulama ku kiandu kia ungana ua Izalaiele. Kienephe muene ki kia bhiti.

II Jisobha 22:16

O Jihova uambe kiki: Talesa, nganda kubheka hadi bhu kididi kiki, ni kua ió oso a tungu-bhu; mu kuiza-ku, ene o maka oso a divulu dia tange sobha ia Juda.

Izaía 43:2

Kioso ki ua kà bhita mu menha mua zongo, tuà kala kiiadi; kioso ki uà bhita mu jingiji, kua-nda ku boba; ki uà kà bhita mu túbhia, kua-nda kujikata; o mulengo ki ua kà tena ku kuata kokué.

Izaía 44:26

Eme-muène ngi kuatesa o kizuelu kia selevende iami, ngi kumbidila ulongelu ua jiphunga jami; ngambela Jeluzaleme ngixi: Eie a kà ku tunga dingi; ngambela madiembu ma Juda, kuma: Enu a kà mi tunga lua mukua, eme ngi some dingi jingundu jâ.

Izaía 55:11

kiene ue kià kala o kizuelu ki tunda mu kanu diami; kiene ki kia kà vutuka kia hatu kokuami, maji kia kà bhanga kioso kia ngi uabhela eme, kale kioso ki nga ki tumukixina kiene ki bhita.

Matesu 1:23

Talesenu! Ku kala muhatu ua mon-ndenge uimita hé u vuala mona; O dijina diê, a kà mu luka Imanuuele. Dienhidi, ku di jimbulula, edi: Nzambi tuala-nê.

Luka 1:28

Mukunji anga u bokona, uixi: Nga ku menekena Madiia! Eie a ku zediuisa kiavulu kuala Nzambi! Ngana uala ni eie.

Luka 1:80

Anga o kamona kenda ni kukula, ni kukola mu mukutu ni nzumbi. Anga ka kala mu solongo dia muxitu, katé kizuua kiê kia kutukuluka mu Izalaiele.

Luka 2:40

O mona anga u kala mù kula ni kusuina ni kuvula o kuijiia, anga kiadi kia Nzambi ki kala kuthandu diê.

Luka 2:52

Jezú anga u kala mù kula mu kitala ni mu kuvula o kuijiia, o mu ima ioso anga enda ni ku mu uabhela kuala Nzambi ni athu.

II Kolindo 13:11

Kia xala-ku phange jami, nga mi lekela. Sotenu o kutenena. Ivenu kiambote ioso i nga mù mi ambela. Kalenu muẋima umoxi. Tungenu ni paze. O Nzambi ia henda ni paze anga u kala ni enu.

Matendelelu 18:22

Kabasa kiá ki mu mona kuila polofeta uazuela kizuelu mu dijina dia Jihova, maji ki kia di kumbidila, o kia zuela ki kiene kiabhiti, kizuelu kiókio-phe ki Jihova ua ki zuela; polofeta ió ua ki zuela ngó ni izala iê; kana ku mukala ni uoma ua ku mu bhanga kiaiibha.

II Timote 4:22

Ngana Jezú Kristu, akale ni nzumbi ié. O kiadi kia Ngana Nzambi ki kale ni enu oso koko.

Josuué 21:45

Maka moso muene ma mbote ma zuelele Jihova ku dibhata dia Izalaiele, ki kua sonoka kima, kana; ioso muene ua i kumbidila.

Afundixi 13:24

Muhatu iú anga u vuala monʼê ua diiala, u mu luka dijina dia Sansau; mona anga u kula, Jihova u mu bhana kuzediua.

I Samuuele 10:7

Ki ua kà mona-phe kuma ijimbuete iii ia ku bhiti, bhanga kiá kioso ki ua mono kia tokala; kuma Nzambi u kala bhu mbandu ié.

I Samuuele 12:2

Kiki-phe talenu, sobha iú ua-nda ku mi kala ku pholo; eme-phe nga kuka kiá, ni jimvi kiá mu mútue; anʼami muala-nâ muʼaxaxi kenu; eme-phe ngendela bhu pholo ienu tunde mu undenge uami katé mu kizuua kia lelu.

I Samuuele 16:18

Dikuenze diê diamukuá anga u kumbulula, uixi: Eme-ze ngejiia muthu, monʼa Jese bhu Beleme, mesene muene ia kuxika, diiala dia nguzu, dikuenze dia ita, mujitu mu kuzuela, muthu ua kuuabha, o Jihova ue uala-nê.

I Samuuele 18:12

Saúlo anga u kala ni uoma ua Davidi, mukonda Jihova uala-nê; maji o kua Saúlo Jihova ua tundu-ku kiá.

I Samuuele 18:14

Davidi anga u kumbidila ni kilunji mu jinjila jê joso; Jihova anga u kala-nê.

I Samuuele 18:5

Davidi anga uia ni ku tunda kuoso kua mu tumu Saúlo, u kumbidila ni kilunji u bhanga unjimu mu ima ioso. Saúlo anga u mu bhana kijingo kia kutumina makuenze a ita, anga ki uabhela mundu uoso katé ni akua mbele ia Saúlo ene ue kia a uabhela.

I Samuuele 2:21

Jihova anga u bhana dibesá kua Hana, muene u imita, anga u vuala anʼatatu a mala, ni anʼaiadi a ahatu. Kamona Samuuele anga u kala mu kudila bhu pholo ia Jihova.

I Samuuele 2:26

Mona Samuuele anga uia ni kukula, ni kuuabhela Jihova, ni kuuabhela ue athu.

I Samuuele 9:6

Mukua-mbèle anga u mu ambela, uixi: Talesa-ze bhu bhata bhabha bhuala mukua Nzambi, muthu a mu kala ni ujitu uavulu; muene kioso kia tanga ki ki kambe kubhita; tuie-bhu hanji, imoxi muene u tu ambela ioso njila ietu ia tokala i tu kuata.