I Samuuele 3:13 - O Mikanda Ikola

¹³ Mukonda nga mu tangela kiá kuila dibhata diê ngi di êlesa ku mivu sé dizubhilu, mukonda dia kutondala kuejiia muene, mbata anʼê a di bhange ifusa, muenephe ua tokoka o ku a bazela ni kua fudisa.

I Samuuele 3:13 ပူးပေါင်းရင်းမြစ်များ

I Jisobha 1:6

Tatʼâ tundiʼé ukulu, kene ku mu fudisa kima, kene ku mu ila ngó: Kiki ua ki bhangela-hi? Muenhú diiala muene dia disanze, o mu ku mu tala, uauabha kiavulu o pholo, ua kaiela ku kunda dia Abisalone mu ku a vuala.

I Jisobha 2:44

Muenexi anga u kumuna dingi mu tangela Simeii, uixi: Ku muẋima ué ku kambe ku kʼijiia, o kubhukumuka kuoso ku ua bhangele tatʼetu Davidi; kala kiki Jihova ua vutula o kubhukumuka kué ku thandu dia mútue ué eʼmuene.

II Malunda 20:12

Ai! Nzambi ietu, tata! Manhi hádia eie kua kâ a fundisa? Mukonda momuetu sé-mu nguzu, mu kumona o kifuẋi kiosuʼiki kia mu tuʼendelʼetu. Ni kia kubhanga tua lémbua ku kʼijiia! Kuabhu! Maji-phe o mesu metu tua ma te kokué.

Jisabhu 19:18

Mona u mu bazela, kioso kuila sai hanji kima kia kudielela-ku; maji kana ku mu bazela ni njinda katé ki u mu jibha.

Jisabhu 29:15

O mbangala ni kibazu kia kubazela, i dimuna muthu; monandenge-phe se a mu talela ngoho, sè ku mu bazela, mungu u kuatesa jisonhi kua manhʼâ.

Ndongixi 7:22

Mukonda eie-muène ue, ua kʼijiia ku muẋima ué, kuila luavulu kiá lu uâmbe ue akuenu.

Izekiiele 18:30

Kala kiki, Jihova Nzambi ua tange, uixi: Enuʼenuʼoso, nga-nda ku mi fundisa kala muthu kioso kia fuama mu njila jê, enu mu dibhata dia Izalaiele; zenu-phe mu diele ku itondalu ienu ioso, o ikuma ienu ki i mi kale kidibhukanu.

Izekiiele 7:3

Kindala-phe o dizubhilu dí-diza kokué, mukonda nga-ndu tumikisa o njinda iami ku thandu dié, anga ngi ku fundisa kala kia fuama o njila jé, o ku thandu dié anga ngi bheka-ku o maufusa mé moso.

Jouele 3:12

Miji ioso i sendumuke, a bande mu kuia ku dikôlo dia Jozafate! Kuma nga kà xikama mueneʼomo phala kufundisa o miji ioso mu jimbandu.

Matesu 10:37

Uoso u zola tatʼâ mba mamʼâ, eme ni ngi mu kale ndenge, ió ka ngi tokala eme. Uoso u zola monʼ ê ua diiala mba ua muhatu, eme ni ngi mu kale ndenge, ka ngi tokala eme.

Matendelelu 17:12

Muthu uoso-phe usola kunanuka ni ukumbu, na kambe kubatekela kia mu ambela o nganga uene bhu pholo ia Jihova Nzambi ié, ne-mbé kuividila o kizuelu kia mufundixi, nguê na-kiu, kuabhu, muthu ió mu mu jibha afue muene. Sembele mu kubhanga kiki ituxi iende ni kubhua mu Izalaiele;

Matendelelu 21:18

Se bhu kala muthu u vuala mona uedi ni kubhukumuka ni kuhuka, ka xikina kuívua ki zuela tatʼâ, mba ki zuela mamʼâ, anga a mu ila o betʼé, lémbue.

I Nzuá 3:20

Mukonda o muẋima uetu se ua tu êlesa, tuejiia kuma Nzambi uala kota o muẋima uetu ndenge, kuma Muène uejiia o ima ioso.

I Samuuele 2:12

Anʼa Eli-phe, a mala, anga a sekala kiavulu kuma a kexile anʼa kadiaphemba; a lembua kuijiia ngó Jihova.

I Samuuele 2:17

O kituxi kia minzangala iii anga ki vula dingi kinéne bhu pholo ia Jihova, kuma mala enhá a tobhesa jinga o sata ia Jihova.