I Samuuele 3:11 - O Mikanda Ikola

¹¹ Jihova anga u ambela Samuuele uixi: Talesa nga-nda kubhanga kima mu Izalaiele, kia bhinga uoso u kʼivua mátui mê maiadi moso ma mu titila.

I Samuuele 3:11 ပူးပေါင်းရင်းမြစ်များ

II Jisobha 21:12

kala kiki, o Jihova Nzambi ia Izalaiele, uambe kiki: Tala-phe nga-nda kubheka kima kia ibha mu Jeluzaleme ni mua Juda, kia bhingi kuila uoso u kʼivua, o mátui ene kiiadi kiâ aia ni ku mu di-taiela.

Jobe 41:9

Athu ene mu ku di metena mu ku dielela kuâ; mbé muthu i kamba ku mu bha kibhalu mu ku i mona ngó?

Izaía 28:19

Dilúvio dia-nda ku mi bhituila bhu dimatekenu bhene, kuma dilúvio diodio di bhita jinga imene ioso, muanha ni usuku; mu kuívua ngó o fuma iê, ki bheka kubhondalala kua dikota.

Izaía 29:14

Uila kiki, eme hanji ngi kolokota ni kukalakala kima kia madiuanu muʼaxaxi ka mundu iú; ngi bhanga kisunji nda adiuane, kuma o unjimu ua jinjimu jâ, ua kà jikinina, o kuijiia kua jingânji jâ kua kà suama.

Jelemiia 19:3

U zuele, uixi: Ivenu kizuelu kia Jihova, enu mu jisobha ja Juda, ni akua bhata mu Jeluzaleme: Jihova dia Ilombo Ieta, Nzambi ia Izalaiele, uambe kiki: Talenu, nga-nda kubheka hadi ia dikota bhu kididi kiki, o uoso-uoso uanda ku ivua, mu mátui mu-ia ni ku mu diʼtaiela.

Habakuke 1:5

Kengelelenu mu kaxi ka miji, talenu mu diuane hanji; kuma nga-nda ku bhanga kikalakalu mu izuua ienu muenhumu, kia bhingi mu lémbua ku ki xikana se a mi jimbuila-kiu.

Luka 21:26

Mu ngongo ioso o mala ma-nda kuambuka ni uôma, mu kubanza o ima ia-ndu bhita. Mukonda katé ni jinguzu ja maúlu ja-ndu tunguta!

Jipoxolo 13:41

Talesenu, enu muene mu kutobhesa ioso, muanda kukakuka anga mu jikinina! Kuma o kikalakalu ki nga mu bhanga mu izuua ienu kikalakalu enu ki mu ki xikina, né-mbe hanji bhu kala muthu u mi ambela-kiu ue.

I Samuuele 3:10

Jihova anga uiza, u imana, u ixana Samuuele kala kia bhangele kiá lutatu lua dianga, uixi: Samuuele, Samuuele. Samuuele bhenhobho uixi: Zuela, Ngana, mubhikʼé iú uivʼú.

I Samuuele 4:10

Akua Fidíxia anga a bhânga ni nguzu ioso, a beta Izalaiele, ene anga a lengela kala muthu ku bhata diê. Anga bhu bhita kihaẋi kia dikota, kuma ku mbandu ia Izalaiele kua dibhale makuinhi atatu a midi ia muthu akua kuenda bhoxi.