I Samuuele 29:3 - O Mikanda Ikola

³ Jingana ja akua Fidíxia anga a zuela, exi: O jihebeleuʼiji, jala kubhanga-hi bhabha? Akiji anga u ambela jingana ja akua Fidíxia, uixi: Ki muene Davidi-ú dikuenze dia Saúlo, sobha ia Izalaiele, nga bhange-nê izuua ni mivu, sé ku mu mona ni kikuma, tunde kizuua kia sambuka kunu kokuami katé lelu?

I Samuuele 29:3 ပူးပေါင်းရင်းမြစ်များ

Dimatekenu 14:13

Anga bhu kala ni iú ua lenge, uiza mu tudila Mbalamu, o hebeleu; muene ua tungu bhu miẋi kaluvalu ia Mamele mukua Modi, phange ia Exikole, phange ia Anele, enhá akexi mu kikutu kimoxi ni Mbalamu.

I Malunda 12:19

Amoxi-mu ku akua Manasa a bhiti ue kua Davidi, kioso Davidi kieza kumoxi ni akua Fidíxia mu kúlua ita, ia kukitukila Saúlu. Sumbala kiene, maji ene ka kuatekesa dingi akua Fidíxia, mukonda o ilamba ia jifidíxa, mu kuta kikutu a mu vutulʼé, kuma edi, exi: Kia-ndo kala kiluezu kia kuila etu udianga ku tu batula o mítue ietu, muene hé ua kà bhitʼê kua ngana iê Saúlu.

I Malunda 12:20

Muene, mu ku vutuka-phe ku Zikilake, akua Manasa, abhiti kua muene enhá: Adina, Jozabade ni Jediiale, ni Mikaiela, ni Jozabade, ni Elihú, ni Ziletai, ene o atumini a jimidi ja Manasa.

Daniiele 6:5

Exi: Daniiele iú kana, ki tua-nda kutena ku mu kuata ni kikuma kia kima, kikale tu mu kuatela ku kitumu kia Nzambi iê.

Nzuá 19:6

Kioso makota ma jinganga ni jipudixa kia mono Jezú, a di kola, exi: Ku dikulusu-nê! Ku dikulusu-nê! Pilatu uixi: Mu tambudienu, enu-enu mu mu te ku dikulusu, mukonda eme ki ngi mu mono ni kituxi.

Loma 12:17

Kana kuvutuila muthu uoso-uoso phulu mu phulu. Sotenu kubhanga jinga ima ia ujitu ku mesu ma athu oso.

I Phetele 3:16

Maji mu ki bhanga jinga ni kubelesela, ni uôma. Mu kale ni kitongoluelu kiazele kia mbote. Phala o ima iene ku mi tatelʼ oio, jisonhi hinu ja a kuate oso a lebhula o uendelu uenu ua mbote mua Kristu.

I Samuuele 14:11

Ene kiiadi kiâ anga a di tukuluila bhu poxto ia akua Fidíxia: akua Fidixia anga a zuela, exi: Talenu Jihebeleu ala kufomoka kiá mu makungu muoso mua kolokele.

I Samuuele 25:28

Loloka, nga ku diondo, o kutondala kua kahatu ké; kuma ni kidi muene, Jihova ua-nda ku ku tungila dibhata dinanga, ngana iami: mukonda ngana iami, jimvunda ji uene kuzoka, jimvunda ja Jihova; ka ku kuate ni kikuma izuua ié ioso.

I Samuuele 27:1

Davidi anga u amba ku muẋima uê, uixi: Hinu bhu kala kizuua ngi buila ku lukuaku lua Saúlo. Ki ngalʼiki kota ngi lengela kʼoxi ia akua Fidíxia; koko-phe Saúlo-phe u ngi lémbua kiá, ka kala dingi mu ku ngi sota mu jimbámbe ja Izalaiele, o miẋima uê ki u dielela dingi ku ngi kuata; kiene ngó ki ngi ẋangumuka bhu lukuaku luê.

I Samuuele 27:7

Izuua-phe ia bhange Davidi ni kutunga ku matutu ma akua Fidíxia, i tena muvu ni mbeji jiuana.

I Samuuele 29:6

Akiji u ixana Davidi, u mu ambela, uixi: Nga loka mua Jihova uala ku muenhu, kuila eie u muthu uaiuka, ni kutunda kué ni kubokona kué mu kilômbo kiami, kua ngi uabhela muene; kuma kinga ku mono ni kikuma tunde kizuua ki uà ngi sana katé lelu; maji o jingan a jiji-phe kia mu ku mona, ki kia a uabhela.

I Samuuele 4:6

Akua Fidíxia ki evu o kudikola, exi: Kuku kudikola kuahi kuavulu kuala kutunda bhu kibangu kia Jihebeleu? Anga a kʼivua kuma álaka ia Jihova ieza bhu kibangu.