I Samuuele 28:9 - O Mikanda Ikola

⁹ Muhatu anga u mu ambela, uixi: Eie uejiia-phe kioso kia bhange Saúlo, kuma oso akua kuxingila ni akua kuzambula ua a bhuisa mʼoxiʼmu; u ngi lungila-hi-phe mubhetu ua kukuata muenhu uami, ni ku ngi fuisa ngó?

I Samuuele 28:9 ပူးပေါင်းရင်းမြစ်များ

II Samuuele 18:13

Né hanji se ngedile ngi ta makutu, ni ngi bu o muenhu uê, kieje kufumana kuma muenexi kene ku mu dingila kima, eie muene ueji ku ngi lungulukila.

II Jisobha 5:7

Hé ki bhita-phe kuila, o sobha ia Izalaiele kioso kia tange o mukanda, ua tandula o izuatu iê, uixi: Eme kífua ngala ngi Nzambi, ni ngi tene kufuisa mba kubhana muenhu, kí kia bhekesa iú ku tumikisa muthu kokuami, phala eme ngi mu sake ku dibhute diê? Talenu-kiu muene kiambote, nga mi diondo, mu ki mone, kuma muene ua-lu sota ndunge ia ku bhanga jimvunda nʼeme.

Ijila 19:31

Kana kukaiela imbanda akua-kusuma; kana kulandula akua-ithutha ia kuzambula ni kubhanga iphata; kana ku a kolomona, kuma muavula ku di kasanesa-nâ; Eme Jihova Nzambi ienu.

I Samuuele 28:10

Saúlu anga u mu lokela mu dijina dia Jihova, uixi: Kalè-ku Jihova ku muenhu, ku kale ngó ni uoma, ki kuiza mulonga mukonda dia kimʼiki.

I Samuuele 28:3

Kienhiki kala Samuuele uafua kiá okulo, Izalaiele dioso a mu didile, iá a mu fûnda kiá mu Lama, bhu bhata diê bhene. Saúlu-phe oso akua kuxingidisa, ni akua kuzambula ua a kaiesa, mʼoxi iâ a tundu-mu.