I Samuuele 28:8 - O Mikanda Ikola

⁸ Saúlo anga u di kitula, u di ta izuatu iengi, anga uia, ni muene ni malʼaiadi endela-nê kumoxi, a kana muhatu muenʼiú mu usuku. Anga u mu ambela, uixi: Nga ku diondo, xingila ngombo ié, u ngʼixanene uoso ngi ku tumbuila-nê dijina diê.

I Samuuele 28:8 ပူးပေါင်းရင်းမြစ်များ

I Jisobha 22:30

Anga sobha ia Izalaiele uambela Jozafate, uixi: Eme nga-ndu di bhangesa kala ngi muthu uengi, anga ngi bokona mu mvunda; eie-phe u zuata o izuatu ié ia usobha. Sobha ia Izalaiele-phe hé u di bhangesa kala muthu uengi, anga u bokona mu mvunda.

I Jisobha 22:34

Bhenhobho diiala dimoxi, unana honji iê, mu luelu diê, sè ku kʼijiia, anga u kuama sobha ia Izalaiele bhu kaẋi ka phonda ni ibhakatu. Bhenhobho muene uambela muendesi a dikalu diê, uixi: Bilula lukuaku lué, u vutule dikalu kuema, nda u ngi katule mu kifuẋi, mbata a ngi kuama kiaiibha.

I Malunda 10:13

Kiene Saúlu kiafuʼiki, mukonda dia ikuma iê, ia te mu ku kitukila Jihova, ni mukonda dia kukamba kubhaka o kizuelu kia Ngana, ni mukonda uê dia kusota o kimbanda kia muhatu, mukua kuzambula, mbé ku mu kundila ima ioso,

II Malunda 18:29

Sobha ia Izalaiele anga u tangela Jozafate, kuila: Ni kudimbikiza, eme nga-ndo di ta mu kubhânga, eie-phe u zuata izuatu ié. Sobha ia Izalaiele ua di dimbikiza hé a bokona mu mvunda.

II Malunda 35:22

Maji-phe o Joziia ua di tunu o kuvutuka kuema ni ku mu bhana dikunda, inda ua di sueka ni kudimbikiza muene, phala kúlua-nê; iú ua fulu o ku bhana mátui ku kizuelu kia Neku, kia tundu ku dikanu dia Jihova; anga uiza muene mu honga ia dikôlo dia Mejidu mu kúlua-nê.

Izaía 8:19

Kioso ki a mi ambela: Tenu mizambu, ibhulenu akua kuxingila, ni imbanda, akua kuzuelela ku mazu ni ku di-ngunguina, o mundu mbé ki uibhula kua Nzambi iâ? Manhi kibhidi kia kuata athu a muenhu, mu kʼibhula kua iá a fu kiá?

Jelemiia 23:24

Jihova uixi: Saiku muthu u suama muene mu masuamenu, eme hé ngi lémbua ku mu mona? Manhi eme ki ngiʼzala mu diulu ni mu ngongo? Jihova ua ki tange.

Izekiiele 12:6

Ua kà i ambata bhu isuxi, ene ia a tala muene; kioso ki kua kà vunda, kiene ki u i katula; o pholo ié u i vunga, mbebhu o ixi kua kà i mone; mukonda nga ku te u kale u kijimbuete ki di uanesa mu dibhata dia Izalaiele.

Nzuá 3:19

O kuêla kuenhuku: O mukengeji ueza mu ngongo, maji athu-phe a beta kuzola o kitombe, mukengeji ua a kala ndenge, mukonda ima iâ ia bhanga iaiibha.