I Samuuele 28:18 - O Mikanda Ikola

¹⁸ Mukonda eie ua kambe kutumaka dízui dia Jihova, ua kambe ku mu zubhila njinda iê iatema ia kuatelele Amaleke, kiene Jihova kia ku bhangela kiki kizuua kia lelu.

I Samuuele 28:18 ပူးပေါင်းရင်းမြစ်များ

I Jisobha 20:42

Muenhú uambela sobha uixi: Jihova uambe kiki: Mukonda muthu nga ku tele-nê bhu lukuaku phala ku mu jima mbutu, eie ua mu jitulʼé bhu lukuaku lué; muenhu ué ua-ndu bhingana bhu kididi kia muenhu uê, o kifuẋi kié ki bhingana bhu kididi kia kifuẋi kiê-muène.

I Malunda 10:13

Kiene Saúlu kiafuʼiki, mukonda dia ikuma iê, ia te mu ku kitukila Jihova, ni mukonda dia kukamba kubhaka o kizuelu kia Ngana, ni mukonda uê dia kusota o kimbanda kia muhatu, mukua kuzambula, mbé ku mu kundila ima ioso,

Jelemiia 48:10

Lamba dia ió uoso u bhanga o kikalakalu dia Jihova ni mangonha; lamba dia ió ue uoso u bhaka o xibhata iê ku manhinga.

I Samuuele 13:9

Saúlo anga u amba, uixi: Bekenu sata ia kuoha ni sata ia paze. Anga u sata o sata ia kuoha.

I Samuuele 15:20

Saúlo anga u ambela Sammuuele, uixi: Kiene muene-ze. Nga tumaka dízui dia Jihova, njila ia ngi tumu Jihova nga i ende. Akake sobha ia Amaleke ngʼeza-nê, akua Amaleke oso nga a buikisa muene.

I Samuuele 15:28

Kienhoko Samuuele anga u mu ambela, uixi: Jihova ua ku tandula lelu ungana ua Izalaiele, iu ua u bhana mukuenu uengi ua ku tundu mu kuiuka.

I Samuuele 15:9

Ni Saúlo-phe ni mundu anga a lendukila Akake, ni ku jimbudi joso ja beta kudisanza, ni ku jingombe, ni ku ibhaku iamukuá, ioso ia nete kiambote, ni ku tuana tua jimbudi, ima ioso ia uabha kiambote ka ẋikina ku í buikisa ioso. O ioso-phe iaiibha, ki i uabha kiambote ia tènde ene, iene ia zubha ni ku i buikisa ku mazu a xibhata.