I Samuuele 28:16 - O Mikanda Ikola

¹⁶ Samuuele uixi: U ngʼibhuila-hi-phe eme, se Jihova ua ku xi, ua biluka kiá nguma ié?

I Samuuele 28:16 ပူးပေါင်းရင်းမြစ်များ

II Jisobha 6:27

Muene-phe u muʼambela, uixi: Se Jihova u kamba ku ku bânda, eme nganda ku ku bandela bhebhi? Bhu kienda kia kuvundila o jimbutu, inga bhu dizanga dia kukamena o vinhu?

Kuditenda 2:4

Mufula uê ua uoleka kiá ni luma, kala ki bhanga ió ua tu zembe; o lukuaku luê lua kadilu, ua lu suinisa mukuâ ni nguma; ima ioso ia uabhele kiavulu ku mesu mu balaka ia kilumba kia Ziione, muene ua i jikinisa-mu. Ua lundulula-mu o njinda iê kala túbhia.

Kuditenda 2:5

Jihova ua di bhange kiá kala nguma; Izalaiele ua mu jikinisa; ua jikinisa o mazêmba mê moso; ua mu buikisila o jimbonge; o kilumba kia Juda iú ua mu sokoluela o kudila ni mukondo.

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!

Dijingunuinu 18:24

Babilónia ia dikotʼoio, a mu bhana o kaxtiku kê, mukonda mua muène a sange-mu o manhinga ma jipolofeta, ni manhinga ma akua-Ngana, xi, o manhinga ma athu oso a a jibha jinga mu ngongo.

Afundixi 5:31

Nguma jé, u Jihova, ji buike kienhiki, oso-phe a ku zola, a benhe kala dikumbi, kioso ki di tunda ni nguzu iê ia kumuika.

I Samuuele 28:15

Samuuele anga u ambela Saúlo, uixi: Ua ngi fudisila-hi kunhoha kuami, o ku ngi fukununa kiki eme ngeza bhabha? Saúlo anga u vutuila Samuuele, uixi: Nga tate kiavulu; kuma akua Fidíxia eza ku ngi lua ita, Nzambi phe ua ngi xi, kala ku ngi vutuila dingi, né ku jipolofeta, né ku jinzoji. Kiene ki nga ku ixanena eie, phala u ngʼijidise kioso ki ngi bhanga.

I Samuuele 28:17

Jihova ua ku bhange kioso kia zuelele kó kuami: kuma Jihova ua tambula ungana bhu lukuaku lué, ua u bhana mukuenu uengi, muene Davidi,