I Samuuele 28:15 - O Mikanda Ikola

¹⁵ Samuuele anga u ambela Saúlo, uixi: Ua ngi fudisila-hi kunhoha kuami, o ku ngi fukununa kiki eme ngeza bhabha? Saúlo anga u vutuila Samuuele, uixi: Nga tate kiavulu; kuma akua Fidíxia eza ku ngi lua ita, Nzambi phe ua ngi xi, kala ku ngi vutuila dingi, né ku jipolofeta, né ku jinzoji. Kiene ki nga ku ixanena eie, phala u ngʼijidise kioso ki ngi bhanga.

I Samuuele 28:15 ပူးပေါင်းရင်းမြစ်များ

Jisálamu 51:11

Kana ku ngi kaiesa bhu pholo ié; kana ku ngi tambula o Nzumbi ié Ikôla.

Jisabhu 14:14

Muthu uaiibha o muẋima, njila jê hádia ja-nda ku mu kuma; maji o muthu uambote-phe, ka xikina ku uabhela o ífua iê.

Hozeia 9:12

Némbe-phe a sasa ana, eme nga-nda ku a katula-nâ, phala ki bhu subhuke diiala. Ni kidi muene, kokolo diâ! Kioso eme ki nga-nda ku a tunda bhu mbandu iâ.

Matesu 25:41

Muène anga ua kʼàmbela iá ala ku kiasu: Tundenu bhu mbandu iami, enu a mi bhubhidila kuala Nzambi! Ndenu mu túbhia ki tuà jima, a tu iudikila Diabhu ni ji-anju jê!

Afundixi 16:20

Muhatu anga u dikola u mu ambela, uixi: Akua Fidíxia a ku tula, Sansau! Muene anga u thathumuka ku kilu, uixi: Ngi tunda, kala ki ngene kubhanga kiá, ngi di kukumuna mu kudibhangela. Mukonda muene ka kʼijidile kuila Jihova ua mu ehelela kiá,

I Samuuele 18:12

Saúlo anga u kala ni uoma ua Davidi, mukonda Jihova uala-nê; maji o kua Saúlo Jihova ua tundu-ku kiá.

I Samuuele 23:2

Davidi anga u ibhula kua Jihova, uixi: O kuila ngiia kubeta akua Fidíxia enhá? Jihova anga u vutuila Davidi, uixi: Ndeie, u bete akua Fidíxia, u kudile Keila.

I Samuuele 23:4

Bhenhobho Davidi u tona dingi kuibhula kua Johova. Jihova anga u mu vutuila, uixi: Balumuka, u kulumuke ku Keila; mukonda eme ngi ku bhana akua Fidíxia bhu maku mé.

I Samuuele 28:11

Muhatu uixi: Nzumbi ia nanhi ngi mu ixana ni u mu ivu? Uixi: Ngʼixanene Samuuele.

I Samuuele 28:16

Samuuele uixi: U ngʼibhuila-hi-phe eme, se Jihova ua ku xi, ua biluka kiá nguma ié?

I Samuuele 28:6

Saúlo-phe ki ebhula kua Jihova, Jihova ka mu vutuila, né ku nzoji, né ku Udimi, né ku jipolofeta.

I Samuuele 28:8

Saúlo anga u di kitula, u di ta izuatu iengi, anga uia, ni muene ni malʼaiadi endela-nê kumoxi, a kana muhatu muenʼiú mu usuku. Anga u mu ambela, uixi: Nga ku diondo, xingila ngombo ié, u ngʼixanene uoso ngi ku tumbuila-nê dijina diê.

I Samuuele 30:6

Davidi anga u tata kiavulu, kuma mundu a tele maka a ku mu bûba ni matadi, mukonda muẋima ua mundu uoso uala ni malamba, kala muthu uala mu kuxinganeka anʼê a mala ni a ahatu. Maji Davidi-phe u di kolesa muẋima mua Jihova Nzambi iê.