I Samuuele 27:12 - O Mikanda Ikola

¹² Akiji anga u xikina Davidi, uixi: Ua di zembesa ku muiji uê ua Izalaiele; mukonda dia kiki, ua xalela dikuenze diami.

I Samuuele 27:12 ပူးပေါင်းရင်းမြစ်များ

Dimatekenu 34:30

Jakobo anga u ambela Ximinhá ni Levi, uixi: Mua balumuna mvunda, mua ngi nuhisa kiaiibha ku akuaʼxi, o Makanana ni Mapelezi; eme nga tolo makuenze, a-ndu ngi bhongolokela mu kubhânga, hé a ngi beta; ni eme-phe ni dibhata diami a tu buidisa.

II Samuuele 10:6

Anʼa Amone kia mono kuila a di nuhisa zumba diaiibha kua Davidi, anʼa Amone a tuma kukasa akua Sídia bhu Bete-Lehobo ni akua Sídia mu Zoba, makuinhi aiadi a midi ia muthu, akua kuenda bhoxi, ni sobha ia Mahaka ni midi ia muthu, ni akua Tobu kuinhi dia midi ni midi jiadi.

Makatukilu 5:21

anga a ambela, exi: Jihova a ki suue, a mi bhange kioso kia tokala; mukonda mua tu nuhisa dizumba diaiibha kua Falaó, ni akua mbèle ku mbanza, kífua mua a bhana xibhata bhu maku, ia ku tu jibha etu.

I Samuuele 13:4

Izalaiele ioso anga evua hundu kuma Saúlo ua beta ku mazu a xibhata o poxto ia akua Fidíxia, mukonda dia kiki Izalaiele-phe ala mu kizembu kia akua Fidíxia. Mundu uoso anga a bhongoloka kua Saúlo bhu Jidingale.

I Samuuele 27:11

Davidi-phe ka xi-ku muthu ni muenhu, né diiala mba muhatu, ualengesa kuila uiza-nâ ku Ngate, kulengesa kuila: A tu tanga, ela: Kiene kiene kubhanga Davidiʼiki, kiene kífua kiê, thembu ioso ia tungu ku matutu ma akua Fidíxia.

I Samuuele 28:1

Anga ki bhita mu izuuʼomo kuma akua Fidíxia a di bhongolola ilombo iâ mu kuia ku ita, phala kúlua ni Izalaiele. Akiji anga u ambela Davidi, uixi: Ijiia na-kiu kuma uia ni eme mu kilômbo sé kufula, ni eie ni makuenze mé.