I Samuuele 27:1 - O Mikanda Ikola

¹ Davidi anga u amba ku muẋima uê, uixi: Hinu bhu kala kizuua ngi buila ku lukuaku lua Saúlo. Ki ngalʼiki kota ngi lengela kʼoxi ia akua Fidíxia; koko-phe Saúlo-phe u ngi lémbua kiá, ka kala dingi mu ku ngi sota mu jimbámbe ja Izalaiele, o miẋima uê ki u dielela dingi ku ngi kuata; kiene ngó ki ngi ẋangumuka bhu lukuaku luê.

I Samuuele 27:1 ပူးပေါင်းရင်းမြစ်များ

I Jisobha 12:26

Anga Jelobouamu u zuela ku muẋima uê, uixi: Kindala o ungana ua-ndu vutukila dingi monzo ia Davidi.

I Jisobha 12:28

Sobha anga ki mu bhekela kutambula phangu, kuma kia zubha kuxinganeka kiambote o imiʼii, u iudika ngombe jiiadi ja ulu; anga u tangela kifuxi uixi: Mua-ndu tala hadi ia vulu, o kubanda katé mu Jeluzaleme; tala-ze kunu o jinzambi jé, eie u Izalaiele, ja ku katula mu ixi ia Ijito.

I Jisobha 19:3

Mukuetu Elija kievu kiokio, phala kusubhuka ni muenhu, u balumuka, u katuka anga uiza bhu Beleseba, moxi ia Juda, anga u xa-mu o kambonga kê ka mu kuenda na-ku.

II Malunda 25:17

O kia di longesa mudiâ, Amaziia, sobha ia Juda, u tuma Jouaji, sobha ia Izalaiele, monʼa Jouakaji, monʼa Jehu, uixi: Eze tu di mone pholo ni pholo.

Jisálamu 116:11

nga zuela-phe ngó lusolo, ngixi: Athu oso, mbé makutu!

Jisálamu 55:7

Ngeje kulengela muene ku makanga, hé ngi iudika o fundu iami ku matutu.

Makatukilu 14:12

Ki kiene ki tua ku ambela mu Ijitu, tuixi: Tu ambule, tu kale kubhikila akua Ijitu? Kifua ki kota kubhikila akua Ijitu, ki soka ni kufuila mumu mu kikangalakata?

Jisabhu 13:12

Kudielela kua kokoloka, ku sukisa o muẋima; maji o kiendi o muẋima, kuila kia bhixila, ki di-bhanga muxi ua muenhu.

Izaía 51:12

Eme, eme-muène ngi muthu ua ku mi konda o malamba; eie-phe u muthu uami, u kala ni uoma ua muthu ni mukuenu, uà xikamena kufua? mba o monʼa muthu u lela kala iangu?

Dialuilu 14:3

Jihova ua tu bhekela-hi kʼoxi kunu, phala ni tu fuile ngó ku xibhata? Ni ahatuʼetu ni anʼetu nʼa di bhange mbole; manhi ki kota tu vutukila mu Ijitu?

Matesu 14:31

Kindala kienhókio Jezú u sunununa lúkuaku luê, u mu kuata, anga u mu ambela, uixi: Eie ua tolo o kuxikana, phata ia ku kuatela-hi?

Marku 4:40

Anga ua ambela, uixi: Mualela-hi ni uoma kiki? Kífua kiluua mu xikana?

II Kolindo 7:5

Mukonda tunde ki tua bhixidile ku Masedonia, xitu ietu ki ia tenene kubatama. Mu ididi ioso hadi ia tu kondele ku mbandu ni mbandu, jimvunda ni akuetu, ni uôma moxi ku miẋima ietu.

I Samuuele 16:1

Jihova anga u ambela Samuuele uixi: Ua-nda kusuka bhebhi ni kudila Saúlo, se ki tualʼiki eme nga mu ditunu ku ungana ua Izalaiele? Izalesa lumbinga lué ni maji, uize. Eme nganda ku ku tuma kua Jese, mukua Beleme; mukonda nga solo sobha iami muʼaxaxi ka anʼê.

I Samuuele 16:13

Samuuele bhenhobho u sunga lumbinga lua maji, u mu unda muʼaxaxi ka jiphange jê. Nzumbi ia Jihova anga u tula ni nguzu ku thandu dia Davidi tunde kizuua kienʼokio. Kienhiki Samuuele u balumuka, hé u vutuka ku Lama.

I Samuuele 20:3

Davidi anga u ta-ku kuloka, uixi: Tatʼenu ua kʼijiia kiambote kuma eme nga sange ngalasa ku mesu mé; iú uambe uixi: Jonata ka kʼijiie kienhiki, imoxi ki mu bhekela dilamba. Kia kidi kiene-phe, ngi loka muene kuila: Kala kiala Jihova ku muenhu, kala ué kiala o muenhu ué eʼmuene moxi, eme kiene ki ngalʼiki, dikanda dimoxi ngó dia ngi xala-ku ni kuia mu alunga.

I Samuuele 22:5

Polofeta Ngadi anga uambela Davidi, uixi: Kana kukala kunu mu mutôlo, tunda-mu uie kʼoxi ia Juda; kienʼokio Davidi u tunda uiza u kala mu muxitu ua Helate.

I Samuuele 23:17

anga u mu ambela, uixi: Ku kale ni uoma; kuma lukuaku lua tatʼetu Saúlu lu ku lémbua muene, ki lua-nda kutena ku ku kuata. Hádia eie muene ua kà kala ku ungana ua kutumina Izalaiele, eme-phe ngà bhabhelela kó-kué; kifua mu ungana ué eme kadi. Saúlu, tatʼetu, kienhiki ua kijiia muene kiambote.

I Samuuele 25:30

Hádia-phe ki kia kà bhita, Jihova kia kà zubha ku ku bhanga, ngana iami, mbote ioso ia tange muene ku thandu dié, kia kà zubha ku ku tumbika mu kukala u mutuameneni ku pholo ia Izalaiele,

I Samuuele 26:19

Bhenhabha-phe, kùku, nga ku diondo, ngʼívue hanji o kuzuela, ngi mubhikʼé: O ki kala Jihova muene ua ku vunza ku ngi zukutisa, ngi mu satele, a ngi tambulule; o ki kala-phe anʼ athu ngó a ka vunza, Jihova a a bhubhidile bhu pholo iê, kuma a ngi kaie, kizuua kia lelu, phala ngi kambe kididi mu undundu ua Jihova, mukua ni kuila, exi: Ndeie, ka bhikile nzambi jengi.

I Samuuele 29:2

Jisobha ja akua Fidíxia anga a tuamenena ni ilômbo iâ iouane ku ibuka ia jihâma ni jimidi. O Davidi-phe ni makuenze mê a kala ue mu kaiela, a sukidila ku dima ni Akiji.

I Samuuele 29:3

Jingana ja akua Fidíxia anga a zuela, exi: O jihebeleuʼiji, jala kubhanga-hi bhabha? Akiji anga u ambela jingana ja akua Fidíxia, uixi: Ki muene Davidi-ú dikuenze dia Saúlo, sobha ia Izalaiele, nga bhange-nê izuua ni mivu, sé ku mu mona ni kikuma, tunde kizuua kia sambuka kunu kokuami katé lelu?