I Samuuele 26:8 - O Mikanda Ikola

⁸ Abisai anga u ambela Davidi, uixi: Nzambi ua ku thelekala nguma ié bhu lukuaku kizuua kia lelu. Kiki-phe ngehele, nga ku diondo, ngi mu tome ni dionga, ngi mu phaphele mu mavu; ngi mu ta ngó lumoxi luene, ki ngi mu tona dingi.

I Samuuele 26:8 ပူးပေါင်းရင်းမြစ်များ

II Samuuele 16:9

Bhenhobho Abisai, monʼa Zeluia, u ambela Sobha, uixi: Phalahi ímbua ia di fuila iii i kala mu ku ku xinga jindaka, u muenexi? Ngi bhane disesa, nga ku diondo, ngʼabhuke ni ngi mu batule o mútue.

Jisálamu 31:8

Kua xikina ku ngi bhakula bhu maku a nguma; uemika inama iami bhu kididi kia zanze.

Jelemiia 40:15

Sumbala, Nzuanana, monʼa Kadiiá, ua tangela Jedaliia mu kasuekele, bhu Mixpa, uixi: Nga-nda kuia kindala ni nga kà jibha Ijimaiele, monʼa Netaniia, ki bhua-nda ku kala muthu u kʼijiia; mukonda diahi muene uandala ku ku katula eie o muenhu, o kibuka kioso kia Juda kia di bhongoluela kokué anga ki muangana, o a a subhuka kua Juda hé a jima o mbutu?

Nahumu 1:9

Enu mua bhukumukina Jihova, mua fika kiebhi? Muene-phe hinu u mi jikinisa enu oso; o phaxi iii ki ia kà tena kuiza luiadi.

Loma 11:32

Kuma athu ene oso kiá, Nzambi ua a kuikila mu kuxibhaka, phala ene oso a a kuatele henda.

Matendelelu 32:30

Se ʼTadi diâ ua kambele ku sumbisa o nguma jâ kua ene, mbé eje kutena kuila muthu umoxi ulandemeka midi, kiiadi a kaia kuinhi dia midi? Ki Jihova muene ua a bhakula?

Josuué 21:44

Jihova anga u a bhana o kunhoha, kala kioso kia lokelele ko jitata jâ; mukonda ku jinguma jâ joso ki kua subhuka muthu ua tena kuimana bhu pholo ia ene; Jihova ua a bhana jinguma jâ joso muene bhu maku mi

Afundixi 1:4

Juda anga u banda; Jihova anga u bhakula Makanana ni Mapelezi bhu lukuaku luâ; anga a beta-ku mu Bezeke, kuinhi dia midi dia muthu.

I Samuuele 23:14

Kienhiki Davidi u kala mu inhunginu mu mitôlo, u enda mu milundu mu ditutu dia Zifi. Saúlo anga u kala ni ku mu sota izuua ioso sé kunhoha, Nzambi-phe ka mu thelekala bhu maku mê.

I Samuuele 24:4

Makuenze a Davidi anga a mu ambela, exi: Kiene-ze kizuuʼ iki kia ku tangela Jihova, uixi: Hinu ngi ku thelekala nguma ié bhu maku, phala u mu bhange kioso ki ua mesena. Bhenhobho Davidi u balumuka, uia ni kuzomba anga u batula mbandu ku divunga dia Sáulo, sé muene ku mu ívua.

I Samuuele 24:5

Kia zubha ku ki bhanga-phe, Davidi muẋima uê ua mu êlesa, mukonda dia kubatula ku divunga dia Saúlo.

I Samuuele 26:23

Jihova u bhana futu mu vutuila muthu uoso kala kiatokala mu uiukilu uê ni mu ufiiele uê. Mukonda Jihova ua ku thelekalele lelu bhu lukuaku luami, eme-phe ki ngi xikina ku ku zengela lukuaku, eie u muthu a ku undu kuala Jihova.

I Samuuele 26:7

Kienhiki Davidi ni Abisai eza mu usuku muʼ axaxi ka mundu. Anga a sanga Saúlu iú ua zekʼú mu kaẋi ka kibangu bhu kididi kia makalu, ni sosa iê ua i kubu bhoxi bhu mutuelu uê. Ni Abinele, ni mundu uoso, a zeka mu jimbandu, muene a mu te mu kaẋi.

I Samuuele 26:9

Davidi anga u ambela Abisai, uixi: Kana ku mu jibha; kuma nanhi u tena: kuzengela muthu Jihova ua mu undu ku ungana nʼa kambe kuêla?