I Samuuele 26:7 - O Mikanda Ikola

⁷ Kienhiki Davidi ni Abisai eza mu usuku muʼ axaxi ka mundu. Anga a sanga Saúlu iú ua zekʼú mu kaẋi ka kibangu bhu kididi kia makalu, ni sosa iê ua i kubu bhoxi bhu mutuelu uê. Ni Abinele, ni mundu uoso, a zeka mu jimbandu, muene a mu te mu kaẋi.

I Samuuele 26:7 ပူးပေါင်းရင်းမြစ်များ

Dimatekenu 45:19

Eie-phe, nga ku bhana ngonge kuila mu bhanga kiki: Muia ni makalu a kunu ku Ijitu, mbé muene muendela anʼenu, ni akajʼenu, mu katule ue ni tatʼenu, muize-nê mu tu sange.

I Samuuele 17:20

Kúkia ni kimene Davidi anga u dimeneka, jimbudi jé u ji xa ni kafunga, u zangula kimbamba kiê, uia kala kia mu tumu tatʼâ Jese. Anga u tula bhu kibangu mu kithangana kioso kiala kutunda o kifuẋi, ala ku ta nzòngo phala ku di lua.

I Samuuele 26:6

Bhenhobho Davidi anga u ambela Ahimeleke mukua Hiti, ni Abisai monʼa Zeluia, phange ia Jouabhe, uixi: Nanhi u ngi bheka, ni tu kulumuka bhu kibangu bhobho bhua Saúlo? Abisai uixi: Eme ngi ku bheka.

I Samuuele 26:8

Abisai anga u ambela Davidi, uixi: Nzambi ua ku thelekala nguma ié bhu lukuaku kizuua kia lelu. Kiki-phe ngehele, nga ku diondo, ngi mu tome ni dionga, ngi mu phaphele mu mavu; ngi mu ta ngó lumoxi luene, ki ngi mu tona dingi.