I Samuuele 26:25 - O Mikanda Ikola

²⁵ Saúlo anga u ambela Davidi, uixi: Diebhe-diebhe, monʼami Davidi! Mu kubhânga, u dizonda, mu ku lenda ki bhuala u tena ku ku fudisa! Kienhiki Davidi u ila njila iê, Saúlu anga u vutuka ku bhata.

I Samuuele 26:25 ပူးပေါင်းရင်းမြစ်များ

Dimatekenu 32:28

Uixi dingi: Dijina dié ki di kala dingi Jakobo, di kala kia Izalaiele; kuma ua bhânge ni Nzambi, ua bhânge ni athu, ene oso ua a lende.

Jisabhu 26:25

Muene kia ku zuelela ni mbimbi iê ia ẋanana kiambote, ku mu dielele; mukonda o mu thulu iê, mua di kondela sambuadi dia isunji iaiibha.

Izaía 54:17

Falamenda ioso-ioso iòbhange phala ku ku kuama, ia-nda kulueza; o dimi dioso-dioso di ku tatela eie mulonga, mu kufunda, eie ua kà di belesa; o iú uene undundu ua jiselevende ja Nzambi, kuene ue kulûnga kuâ ku tunda kokuami, eme ngi Jihova.

Hozeia 12:4

Ua di bhange kilolo mu kubhânga ni anju katè kia i tolola; ua didi, iú ua dionda ku mu kuatela henda. O bhu Betele bhene bhua di bongela ni Nzambi, o bhenhobho Nzambi bhene bhua tu zuelesela.

Loma 8:35

Nanhi-phe ua kà tu batukisa ku henda ia Kristu? Ngongo, inga phaxi, inga izudidiku, inga nzala, inga tuẋi, inga dibhulubhulu, inga xibhata?

Loma 8:37

Né ngo! Mu ima ioso íii tuala tu atolodi, maji atolodi ndenge, mu nguzu ia Ió uoso ua tu zola!

I Samuuele 24:19

Mukonda muthu kuxi ua kuata kiá nguma iê, anga u mu eha ngó nʼaie? Jihova a ku fute ni mbote, ku ioso i ua ngi bhange eie lelu.

I Samuuele 24:20

Kiki-phe, talenu, nga kʼijiia kuila eie ua kà hinga o ungana iú, o utuminu ua Izalaiele-phe ua kà kuata kiambote bhu lukuaku lué.

I Samuuele 24:22

Davidi anga u lokela Saúlo. Saúlo anga u vutuka ku bhata, o Davidi-phe ni makuenze mê a banda, anga aia dingi mu mutôlo.