I Samuuele 26:24 - O Mikanda Ikola

²⁴ Talesa, kala o muenhu ué ki ua kôlele mu mesu mami, kiene kimoxi muenhu uami ue u kole mu mesu ma Jihova, muene a ngi kudile mu kutata kuami kuoso-kuoso ku ngi kala na-ku.

I Samuuele 26:24 ပူးပေါင်းရင်းမြစ်များ

Dimatekenu 48:16

ni Anjo ió ua ngi kala dilemba mu ku ngi bhangela mu mavuua moso, a bhane kuzediua ku tumbongʼutu; dijina diami a di luke jinge kua ene, ni dia jitata jetu Mbalahamu ni Izake; a di vuale a di vualulule, a di bhange kifuẋi mu ngongo.

II Samuuele 4:9

Davidi anga u vutuila Lekabe ni Bahana phangʼiê, anʼa Dimone mukua Belote, uixi: Jihova a nangenene! Ua ngi kudila o muenhu uami mu jiphaxi, kuma kia ngi sangele muthu, uixi:

Jisálamu 144:2

mukua henda iami, kimbaka kiami kia ngi xitila, mbonge iami ia matala, kilolo kiami kia ku ngi bhângela; ngubu iami, nga mu dielela muene; muene ua tolola o mundu phala a ngi belesele.

Jisálamu 18:1

Eme ngi ku zola ni muẋima uoso, eie u Jihova, u nguzu iami.

Jisálamu 18:25

Mukua henda, eie ue u mu idikiza henda; ua tetuluka, eie u ku mona kutetuluka.

Jisálamu 18:48

Muene ua ngi kudila ku jinguma jami, ua ngi bhake ditala, ene ka tena-bhu, oso ala ku ngi sota; ua ngi tambula ku kiiala kiasuina.

Jisálamu 34:20

U langa ifuba iê ioso; ni kimoxi ngó ki ki bukuka.

Jisálamu 54:7

Kuma eie ua ngi kudila mu phaxi, jami joso; o mesu ami a ki mono, kioso ki ua ngi bhange o jivondadi ku jinguma jami.

Matesu 5:7

A zediua akua henda, ene ue Nzambi u a kuatela henda.

Matesu 7:2

Mbata, o kubatula kuoso ku mu batuila na-ku akuenu, enu uenu kiene Nzambi kia kà mi batuila; ni nzôngo ioso i mu zongela na-iu akuenu, enu uenu a ka mi zongela-iu dingi.

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.

II Tesalonika 3:2

Sambenu ue phala etu Nzambi a tu kudile ku athu a thathamana, akua phulu, kuma ene oso ka sokela-ku mu kuxikana.

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.

I Samuuele 18:30

Jisobha ja akua Fidíxia anga ji kala mu tunda ku izuua-izuua phala kúlua-nâ; maji kioso-phe kia tunda, Davidi u beta kukala ni kilunji kia kulenda o kutolola jisobha ja akua Fidíxia, makuenze oso a Saúlo ndenge; dijina diê anga di fumana dingi kiavulu.

I Samuuele 24:16

Bhenhobho, kia zumbuka Davidi kuzuela makʼama kua Saúlo, Saúlo uixi: O dízui diéʼodio, monʼami Davidi? Saúlo anga u suína dízui ni kudila.